એશિયા કપ-2022 : આજે ભારત vs પાકિસ્તાન, વાંચો પાકિસ્તાન સામે જાડેજા માટે કોણ યોગ્ય વિકલ્પ હશે..!

એશિયા કપ 2022માં સુપર 4ની બીજી મેચમાં ભારત અને પાકિસ્તાનની ટીમ ફરી એકવાર આમને-સામને થશે. આ મેચ પહેલા ભારતીય ટીમના પૂર્વ ખેલાડી વસીમ જાફરે કહ્યું હતું કે રવિન્દ્ર જાડેજાની જગ્યાએ કોને સામેલ કરવામાં આવે.

સુપર-4ની બીજી મેચમાં ભારત દુબઈ ઈન્ટરનેશનલ સ્ટેડિયમના મેદાન પર તેના સૌથી મોટા હરીફ પાકિસ્તાન સામે ટક્કર માટે તૈયાર છે. આ મેચમાં બંને ટીમોનું પ્રદર્શન અમુક હદ સુધી સાબિત કરશે કે કોણ બનશે એશિયા કપ-2022નું ચેમ્પિયન? સુપર-4ની આ મોટી મેચ પહેલા બંને ટીમોને આંચકો લાગ્યો છે. એક તરફ જ્યાં પાકિસ્તાનની ટીમમાંથી શાહનવાઝ દહાની ઈજાના કારણે બહાર થઈ ગયો છે, ત્યાં પાકિસ્તાન સામે શાનદાર ઈનિંગ રમનાર રવિન્દ્ર જાડેજા પણ એશિયા કપમાંથી બહાર થઈ ગયો છે. મેચ પહેલા ભારતના પૂર્વ ક્રિકેટર વસીમ જાફરે કહ્યું હતું કે, ટીમ ઈન્ડિયામાં જાડેજાનો યોગ્ય વિકલ્પ કોણ હોઈ શકે છે. ESPN Cricinfo સાથે વાત કરતાં, જ્યારે તેમને દીપક હુડા અને અક્ષર પટેલ વચ્ચે પસંદગી કરવાનું કહેવામાં આવ્યું, ત્યારે તેમણે અક્ષર પટેલને જાડેજાનો યોગ્ય વિકલ્પ ગણાવ્યો. આ નિર્ણય અંગે જાફરે કહ્યું કે, ડાબોડી બેટ્સમેન અક્ષરના આવવાથી ટીમમાં સંતુલન આવશે. અક્ષરે છેલ્લા કેટલાક મહિનામાં ટીમ માટે શાનદાર પ્રદર્શન કર્યું છે. મેચ પહેલા ટીમ ઈન્ડિયાના મુખ્ય કોચે પણ અવેશ ખાન પર પ્રતિક્રિયા આપી હતી કે, તે થોડો બીમાર છે. આવી સ્થિતિમાં પાકિસ્તાન સામે તેનું રમવાનું નક્કી નથી. વસીમ જાફરની વાત માનીએ તો, આ મેચમાં તેના સ્થાને લેગ સ્પિન બોલર રવિ બિશ્નોઈને તક મળી શકે છે. આની પાછળ, જાફરે દલીલ કરી હતી કે, બિશ્નોઈને પાકિસ્તાનના મોટાભાગના બેટ્સમેનો દ્વારા રમાડવામાં આવ્યો નથી, તેથી ટીમમાં રવિ બિશ્નોઈની હાજરી ફાયદાકારક સાબિત થઈ શકે છે.

ભારતની સંભવિત ટીમ :

રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, દિનેશ કાર્તિક (વિકેટમાં), હાર્દિક પંડ્યા, અક્ષર પટેલ, રવિ બિશ્નોઈ, ભુવનેશ્વર કુમાર, અર્શદીપ સિંહ, યુઝવેન્દ્ર ચહલ.