IPL 2022: કોલકાતા નાઈટ રાઈડર્સની હાલત ખરાબ, આખી ટીમ 101 રને આઉટ, લખનૌ 75 રનથી જીત્યું

શનિવારે યોજાયેલી ઈન્ડિયન પ્રીમિયર લીગ 2022 ની મેચમાં લખનૌ સુપર જાયન્ટ્સએ કોલકાતા નાઈટ રાઈડર્સને 75 રનથી હરાવ્યું. પ્રથમ બેટિંગ કરતા લખનૌએ 176 રન બનાવ્યા હતા જેના જવાબમાં કોલકાતાની ટીમ માત્ર 101 રનમાં ઓલઆઉટ થઈ ગઈ હતી.

કોલકાતા નાઈટ રાઈડર્સની બેટિંગ કેટલી ખરાબ હતી તેનો અંદાજ એ વાત પરથી લગાવી શકાય છે કે ટીમ 15 ઓવર પણ રમી શકી ન હતી. KKRની આખી ટીમ 14.3 ઓવરમાં ઓલઆઉટ થઈ ગઈ હતી. ટીમના માત્ર 3 ખેલાડીઓએ ડબલ આંકડો પાર કર્યો હતો. કોલકાતા નાઈટ રાઈડર્સ માટે આન્દ્રે રસેલે 19 બોલમાં 45 રન બનાવ્યા જેમાં 5 સિક્સ અને 3 ફોરનો સમાવેશ થાય છે. તેમના સિવાય એરોન ફિન્ચ (14 રન), સુનીલ નારાયણ (22 રન) માત્ર ડબલ આંકડો પાર કરી શક્યા હતા.

લખનઉ સુપર જાયન્ટ્સની વાત કરીએ તો ટીમને શરૂઆતમાં આંચકો લાગ્યો જ્યારે કેપ્ટન કેએલ રાહુલ ડાયમંડ ડક પર આઉટ થયો. જોકે, તેના પછી ક્વિન્ટન ડી કોકે 50 રન અને દીપક હુડ્ડાએ 41 રન બનાવ્યા હતા. માર્કસ સ્ટોઇનિસ અને જેસન હોલ્ડરે લખનૌ માટે છેલ્લી મેચ રમી હતી. બંને ખેલાડીઓએ 19મી ઓવરમાં 5 સિક્સર ફટકારી અને 30 રન બનાવ્યા.