કોલકાતા નાઈટ રાઈડર્સે આઈપીએલની 16મી સીઝન માટે નવા કેપ્ટનની કરી જાહેરાત

author-image
By Connect Gujarat in સ્પોર્ટ્સ સમાચાર
New Update

કોલકાતા નાઈટ રાઈડર્સે આઈપીએલની 16મી સીઝન માટે નવા કેપ્ટનની જાહેરાત કરી છે. સ્ટાર બેટ્સમેન નીતિશ રાણા IPLની 16મી સીઝનમાં KKRની કમાન સંભાળતા જોવા મળશે. શ્રેયસ અય્યરના સ્થાને નીતિશ રાણાને ટીમનો કેપ્ટન બનાવવામાં આવ્યો છે. ઈજાના કારણે અય્યર IPLની 16મી સિઝનનો ભાગ બની શકશે નહીં.

નીતિશ રાણા 2018 થી KKR સાથે જોડાયેલા છે. જો કે અગાઉ KKRના નવા કેપ્ટન તરીકે શાર્દુલ ઠાકુર, નરેન અને રસેલના નામ પણ સામે આવી રહ્યા હતા. પરંતુ ફ્રેન્ચાઇઝીએ ભારતીય બેટ્સમેનમાં વિશ્વાસ વ્યક્ત કરતા તેને કેપ્ટનશિપની જવાબદારી સોંપી છે. આ પહેલીવાર હશે જ્યારે રાણા IPLમાં કોઈ ટીમની આગેવાની કરતો જોવા મળશે.

આઈપીએલમાં રાણાનો બેટ્સમેન તરીકેનો રેકોર્ડ ઘણો સારો રહ્યો છે. નીતિશ રાણાએ 2016માં મુંબઈ ઈન્ડિયન્સ તરફથી ડેબ્યૂ કર્યું હતું. પોતાની બીજી સિઝનમાં જ રાણાએ 300થી વધુ રન બનાવીને બધાનું ધ્યાન ખેંચ્યું હતું. જો કે, 2018ની મેગા ઓક્શન પહેલા KKRએ નીતિશ રાણાને સાઈન કર્યા હતા. ત્યારથી, રાણાએ ફ્રેન્ચાઇઝી માટે પાંચ સીઝન રમી છે. બેટ્સમેન નીતિશ રાણા IPLની 16મી સીઝનમાં KKRની કમાન સંભાળતા જોવા મળશે. 

#India #Kolkata #new captain #IPL #ConnectGujarat
Related Articles
Read the Next Article

BCCIએ ભારત અને ન્યુઝીલેન્ડ વચ્ચે 3 ODI અને 5 T20 મેચોની શ્રેણીનું સમયપત્રક કર્યું જાહેર

ભારતીય ક્રિકેટ કંટ્રોલ બોર્ડ (BCCI) એ ભારત અને ન્યુઝીલેન્ડ વચ્ચે રમાનારી સફેદ બોલ શ્રેણીનું સમયપત્રક જાહેર કરી દીધું છે. ન્યુઝીલેન્ડની ટીમ જાન્યુઆરી 2026માં ભારતનો પ્રવાસ ખેડશે,

author-image
By Connect Gujarat Desk in સ્પોર્ટ્સ Featured
New Update
nz Ind

ભારતીય ક્રિકેટ કંટ્રોલ બોર્ડ (BCCI) એ ભારત અને ન્યુઝીલેન્ડ વચ્ચે રમાનારી સફેદ બોલ શ્રેણીનું સમયપત્રક જાહેર કરી દીધું છે. ન્યુઝીલેન્ડની ટીમ જાન્યુઆરી 2026માં ભારતનો પ્રવાસ ખેડશે, જ્યાં બંને ટીમો વચ્ચે 3 ODI અને 5 T20 મેચો રમાશે. આ પ્રવાસ 11 જાન્યુઆરી, 2026થી શરૂ થઈને 31 જાન્યુઆરી, 2026 સુધી ચાલશે.

આ શ્રેણી ભારતીય ટીમ માટે ખાસ કરીને T20 ફોર્મેટમાં ખૂબ જ મહત્ત્વપૂર્ણ બની રહેશે, કારણ કે આવતા વર્ષે ફેબ્રુઆરી-માર્ચમાં T20 વર્લ્ડ કપ રમાવાનો છે. ન્યુઝીલેન્ડ સામેની આ T20 શ્રેણી ટી20 વર્લ્ડ કપની તૈયારીઓ માટે એક મજબૂત પ્લેટફોર્મ પૂરું પાડશે. વર્ષ 2026માં ભારતીય ટીમ માટે આ પ્રથમ શ્રેણી હશે. જોકે, આ પહેલા ટીમ ઈન્ડિયાનું 2025નું વર્ષ અત્યંત વ્યસ્ત રહેવાનું છે. જૂનથી ડિસેમ્બર 2025 દરમિયાન, ભારતીય ટીમે ઈંગ્લેન્ડ, વેસ્ટ ઈન્ડિઝ, બાંગ્લાદેશ, ઓસ્ટ્રેલિયા અને દક્ષિણ આફ્રિકા સામે શ્રેણી રમવાની છે. આ સમયગાળા દરમિયાન, ટીમ ઇન્ડિયા ઇંગ્લેન્ડ, બાંગ્લાદેશ અને ઓસ્ટ્રેલિયાનો પ્રવાસ કરશે, જ્યારે વેસ્ટ ઇન્ડીઝ અને દક્ષિણ આફ્રિકાની ટીમો ભારતમાં રમવા આવશે.

ભારત-ન્યુઝીલેન્ડ શ્રેણીનું સંપૂર્ણ સમયપત્રક (જાન્યુઆરી 2026):

ODI શ્રેણી:

  • પ્રથમ ODI: 11 જાન્યુઆરી 2026 – બરોડા
  • બીજી ODI: 14 જાન્યુઆરી 2026 – રાજકોટ
  • ત્રીજી ODI: 18 જાન્યુઆરી 2026 – ઇન્દોર

T20 શ્રેણી:

  • પ્રથમ T20: 21 જાન્યુઆરી 2026 – નાગપુર
  • બીજી T20: 23 જાન્યુઆરી 2026 – રાયપુર
  • ત્રીજી T20: 25 જાન્યુઆરી 2026 – ગુવાહાટી
  • ચોથી T20: 28 જાન્યુઆરી 2026 – વિઝાગ
  • પાંચમી T20: 31 જાન્યુઆરી 2026 – ત્રિવેન્દ્રમ

ટેસ્ટ ચેમ્પિયનશિપ અને આગામી પડકારો

વર્લ્ડ ટેસ્ટ ચેમ્પિયનશિપ 2023-25 ​​ચક્ર સમાપ્ત થઈ ગયું છે, જેમાં દક્ષિણ આફ્રિકા ચેમ્પિયન બન્યું છે. હવે વર્લ્ડ ટેસ્ટ ચેમ્પિયનશિપ 2025-27ના નવા ચક્રમાં, ભારત માટે પહેલો પડકાર ઇંગ્લેન્ડ સામેનો રહેશે. ટીમ ઇન્ડિયાનો ઇંગ્લેન્ડ પ્રવાસ 20 જૂન, 2025 થી શરૂ થશે. ત્યારબાદ, ટીમ ઇન્ડિયાએ બાંગ્લાદેશ સામેની ODI અને T20 શ્રેણીનો પડકાર પણ પાર કરવો પડશે.