ST બસ સેવાને અસર..! : સુરતથી ઉપડતી 52 ટ્રીપની એસટી. બસને રદ્દ કરાય, હજારો મુસાફરો અટવાયા

છેલ્લા 3 દિવસથી અવિરત વરસતા વરસાદના પગલે રાજ્યભરમાં પબ્લિક ટ્રાન્સપોર્ટને પણ ગંભીર અસર પહોંચી છે, ત્યારે સુરતથી ઉપડતી 52 ટ્રીપની એસટી. બસને રદ્દ કરવામાં આવતા હજારો મુસાફરો અટવાય પડ્યા હતા.

રાજ્યમાં છેલ્લા 3 દિવસથી ભારેથી અતિ ભારે વરસાદ પડી રહ્યો છે. ખાસ કરીને વિવિધ જિલ્લામાં પૂરની સ્થિતિ ઊભી થઈ છે. જેના પગલે રાજ્યભરમાં પબ્લિક ટ્રાન્સપોર્ટને પણ ગંભીર અસર પહોંચી છે. ગુજરાત એસટી. વિભાગના કુલ 14,512 રૂટ પૈકી 1,180 રૂટ તેમજ 40,515 ટ્રિપ પૈકી 4,531 ટ્રિપ રદ્દ કરવામાં આવી છે, ત્યારે મુસાફરોની સુરક્ષા અને સલામતીને ધ્યાનમાં રાખી સુરત ST વિભાગ દ્વારા સુરતથી ઉપડતી 52 ટ્રીપની ST બસોને પણ રદ્દ કરવામાં આવી છે. જેમાં 19 જેટલા રૂટ પર વરસાદી પાણીની અસર થતાં સોમનાથ, પોરબંદર, જુનાગઢ, ગોદરા, દ્વારકા, ઝાલોદ, દાહોદ સહિત વિવિધ રૂટની ST બસોને રદ્દ કરવામાં આવી છે. અત્રે ઉલ્લેખનીય છે કે, વિવિધ રૂટની ST બસો રદ્દ કરવામાં આવતા અંદાજે 1 હજારથી મુસાફરો અટવાયા હતા.