/connect-gujarat/media/post_banners/9305889eb9fc83177eeb1b487e296e33a7ff624c8f3f5c2c6258d6f5fce8d12a.jpg)
ગુજરાત સ્થાપના દિવસના ભાગરૂપે ગતરોજ સુરત શહેરમાં 'નો-ડ્રગ્સ, સેફ, ફિટ એન્ડ સ્માર્ટ સિટી'નાં સંદેશ સાથે નાઈટ મેરેથોનનું આયોજન કરવામાં આવ્યું..હજારોની સંખ્યામાં લોકો જોડાયા.
ગુજરાત સ્થાપના દિવસની ઉજવણીનાં ભાગરૂપે 'નો-ડ્રગ્સ, સેફ, ફિટ એન્ડ સ્માર્ટ સિટી'નાં સંદેશ સાથે નાઈટ મેરેથોનનું સુરત પોલીસ દ્વારા આયોજન કરવામાં આવ્યું હતું. ગત રાતથી આજે વહેલી સવારના 4 સુધી નાઈટ મેરેથોન ચાલી હતી. જેમાં 40 હજારથી પણ વધારે દોડવીરો જોડાયા છે. રમત-ગમત અને સાંસ્કૃતિક અને ગૃહ રાજ્યમંત્રી હર્ષ સંઘવી રાહુલ રાજ મોલ પાસે કાર્યક્રમ સ્થળ પર પહોંચ્યા હતા. આ સાથે જ વિશાળ જનમેદની ઉમટી પડી હતી.
મેરેથોનમાં દોડવીરો માટે 5 કિ.મી. 10 કિ.મી. અને 21 કિ.મી. અંતરની દોડના આયોજન સાથે વિવિધ કેટગરીવાઈઝ રનર્સ માટે રૂ.13.50 લાખના ઈનામો આપવામાં આવ્યા હતા . મેરેથોનમાં 10 કિમી અને 21 કિમી માટે 2,500થી વધારે દોડવીરોએ રજિસ્ટ્રેશન કરાવ્યું હતું, જ્યારે 5 કિ.મી.માં 40 હજારથી પણ વધારે દોડવીરોએ રજિસ્ટ્રેશન કરાવ્યું હતું. આ પ્રસંગે વિખ્યાત કિંજલ દવે સહિત પાર્થિવ ગોહિલ જેવા કલાકારો હાજર રહ્યા હતા.
/connect-gujarat/media/media_files/2024/10/31/3gifa.gif)