સુરત :પુણા વિસ્તારમાં 80 વર્ષીય વૃદ્ધ સાસુને માર મારતી વહુનો વિડીયો વાયરલ થતા સામાજિક સંસ્થા મદદે પહોંચી

સુરતના પુણા વિસ્તારમાં આવેલી માતૃશક્તિ સોસાયટીમાં રહેતા એક પરિવારની વહુ દ્વારા 80 વર્ષીય સાસુને ઢસડી ઢસડીને માર મારવામાં આવતો હોવાનો વીડિયો વાયરલ થતા ચકચાર મચી છે.

author-image
By Connect Gujarat Desk in સુરત ગુજરાત
New Update

  • પુણા માતૃશક્તિ સોસાયટીની ઘટના

  • 80 વર્ષના વૃદ્ધાને વહુ મારતા હોય તેવો વીડિયો વાયરલ

  • ઘરના પેસેજમાં ઢસડીને મારતા હોય તેવા દ્રશ્યો

  • જાગૃત નાગરિકે વીડિયો ઉતાર્યો વિડીયો

  • મહિલા ચેરીટેબલ ટ્રસ્ટ દ્વારા કરાય કાર્યવાહી

Advertisment

સુરતના પુણા વિસ્તારમાં આવેલી માતૃશક્તિ સોસાયટીમાં રહેતા એક પરિવારની વહુ દ્વારા 80 વર્ષીય સાસુને ઢસડી ઢસડીને માર મારવામાં આવતો હોવાનો વીડિયો વાયરલ થતા ચકચાર મચી છે. જાગૃત નાગરિક દ્વારા આ વીડિયો બનાવી વાયરલ કરાતા સામાજિક સંસ્થાએ પોલીસને સાથે રાખી વૃદ્ધાની મદદે પહોંચી હતી.

સુરતના પુણા વિસ્તારમાં આવેલી માતૃશક્તિ સોસાયટીનો એક વીડિયો સામે આવ્યો છે. વૃદ્ધા પર જ્યારે ત્રાસ ગુજારવામાં આવી રહ્યો હતો,ત્યારે એક જાગૃત નાગરિક દ્વારા વીડિયો બનાવી વાયરલ કરવામાં આવતા સમગ્ર મામલો બહાર આવ્યો છે. નાગરિક દ્વારા આ બાબતે મહિલા વિકાસ ચેરીટેબલ ટ્રસ્ટ અને વુમન ઇમ્પ્રુવમેન્ટ ચેરીટેબલ ટ્રસ્ટને જાણકારી આપી હતી. ત્યારબાદ ટ્રસ્ટના હોદ્દેદાર ચેતના સાવલિયાએ પુણા પોલીસને જાણ કરી હતી.

જ્યારે સંસ્થાના હોદ્દેદારો અને પુણા પોલીસની ટીમ વૃદ્ધાનો કબજો લેવા માટે તેના ઘર પર પહોંચી ત્યારે તેમના પરિવારજનો દ્વારા કબજો સોંપવાનો ઈન્કાર કરવામાં આવ્યો હતો. જેથી સમગ્ર મામલો પુણા પોલીસ સ્ટેશન પહોંચ્યો છે. ટ્રસ્ટ દ્વારા હાલ પોલીસ કાર્યવાહી કરી વૃદ્ધાને મુક્ત કરાવવાની પ્રક્રિયા હાથ ધરવામાં આવી હોવાનું જાણવા મળ્યું છે.

 

#wife #CGNews #old age women #Puna #Beaten #Gujarat #Son #Surat
Advertisment
Related Articles
Read the Next Article

સુરત : 22 વર્ષીય ચિત્ત ગાબાણીના આપઘાત માટે જવાબદાર અજય શિરોયાની ધરપકડ,પોલીસે દબાણો પર ચલાવ્યું બુલડોઝર

લસકાણા વિસ્તારમાં 22 વર્ષીય ચિત્ત ગાબાણીએ આપઘાત કરી લેતા ચકચાર મચી ગઈ હતી. આ આપઘાત કેસમાં બેડ નીચેથી મળેલી સ્યુસાઇડ નોટમાં ચોંકાવનારા ખુલાસા થયા

author-image
By Connect Gujarat Desk in સુરત ગુજરાત
New Update

  • લસકાણામાં યુવકના આપઘાતનો મામલો

  • પોલીસે સ્યુસાઇટ નોટથી કરી કાર્યવાહી

  • વ્યાજખોર અજય શિરોયાની કરી ધરપકડ

  • રૂ.80 હજાર સામે રૂ.2 લાખની કરતો હતો ઉઘરાણી

  • પોલીસે વ્યાજખોરના દબાણ પર ચલાવ્યું બુલડોઝર  

Advertisment

સુરતના લસકાણાના 22 વર્ષીય યુવકે આપઘાત કેસમાં સ્યુસાઈડ નોટમાં ચોંકાવનારો ખુલાસો થયો છે.અને વ્યાજખોર દ્વારા પઠાણી ઉઘરાણી કરવામાં આવતા તેને અંતિમ પગલું ભર્યું હતું.પોલીસે અજય શિરોયાની ધરપકડ કરીને તેને ઉભા કરેલા દબાણને બુલડોઝરથી તોડી પાડવામાં આવ્યા હતા.

સુરતના લસકાણા વિસ્તારમાં 22 વર્ષીય ચિત્ત ગાબાણીએ આપઘાત કરી લેતા ચકચાર મચી ગઈ હતી. આ આપઘાત કેસમાં બેડ નીચેથી મળેલી સ્યુસાઇડ નોટમાં ચોંકાવનારા ખુલાસા થયા છે. તેની સ્યુસાઈડ નોટમાં જર્મની જવાના 10 લાખ હારવા સાથે વધુ 10 લાખનું દેવું થયું હોવાનો ઉલ્લેખ કરાયો છે. તેમજ જુગાર રમવા માટે લીધેલા 80 હજાર સામે અજય શિરોયા 2 લાખની પઠાણી ઉઘરાણી કરતા હોવાનો આરોપ મૂક્યો છે. તેથી ચિત્ત ગાબાણી ફાંસો ખાવા મજબૂર થયો હતો.આ ઘટનામાં પોલીસે આરોપી અજય શિરોયાની ધરપકડ કરી છે.

જાણવા મળ્યા મુજબ ચિત્ત ગાબાણી જર્મની જવાનો પ્રયાસ કરી રહ્યો હતો. પરંતુ આ વચ્ચે તેને બે દિવસ પહેલા પોતાના રૂમમાં ફાંસો ખાઈ આપઘાત કરી લીધો હતો. આ ઘટનાની જાણ થતા જ પરિવારના પગ તળેથી જમીન સરકી ગઈ હતી. તો પોલીસે સમગ્ર મામલે તપાસ કરતા જાણવા મળ્યું કે, જર્મની જવાના 10 લાખ હારવા સાથે વધુ 10 લાખનું દેવું અને જુગાર રમવા માટે લીધેલા 80 હજાર સામે અજય શિરોયાએ 2 લાખની પઠાણી ઉઘરાણી કરતા ચિત્ત ગાબાણી ફાંસો ખાવા મજબૂર થયો હતો.

પોલીસે આરોપી અજય શિરોયાની ધરપકડ બાદ તેને દુકાન બાનવીને ઉભા કરેલા દબાણ પર બુલડોઝર ફેરવીને તોડી પાડવામાં આવ્યું હતું.ચુસ્ત પોલીસ બંદોબસ્ત સાથેની કડક કાર્યવાહીને પગલે વ્યાજખોરોમાં ફફડાટ વ્યાપી ગયો છે.

#Ajay Shiroyani #આપઘાત #આપઘાત કેસ #Surat Suicide #Surat Suicide Case #Surat Suicide News #surat police #suicide #વ્યાજખોરી
Advertisment