New Update
વડોદરામાં મૂર્છિત સાપનું કરાયું રેસ્ક્યુ
જીવદયાપ્રેમીએ સાપને આપ્યો CPR
CPR થી સાપમાં પ્રાણ પૂર્યા
ત્રીજા પ્રયત્ને સાપમાં જોવા મળી હલચલ
જીવદયાપ્રેમીનાં સાહસને બિરદાવતા લોકો
વડોદરામાં એક જીવદયા પ્રેમીના સાહસને લોકો બિરદાવી રહ્યા છે,એક સાપ કે જે મૂર્છિત અવસ્થામાં હતો,તે સાપને CPR આપીને તેમાં જીવદયાપ્રેમીએ પ્રાણ ફૂંક્યા હતા.
વડોદરામાં મૂર્છિત સાપને CPR મળતા તેનામાં પ્રાણ ફૂંકાયાની ઘટના પ્રકાશમાં આવી છે. સામાન્ય રીતે માણસને CPR આપીને જીવ બચાવવામાં આવ્યો હોવાની ઘટનાઓથી આપણે પરિચિત છીએ.ત્યારે વાઘોડિયા રોડ વિસ્તારમાં સાપના રેસ્ક્યૂનો કોલ મળતા જીવદયાપ્રેમી સ્થળ પર પહોંચ્યા હતા.જ્યાં પુખ્તવયનો બિનઝેરી ચેકર્ડ સ્નેક મૂર્છિત હાલતમાં મળી આવ્યો હતો. સાપ જીવી જશે તેવો રેસ્ક્યૂઅરને વિશ્વાસ આવતા તેમણે ત્રણ વખત કાળજીપૂર્વક સાપને CPR આપ્યો હતો.જેમાં ત્રીજા પ્રયત્ને સફળતા મળી હતી.અને સાપમાં સળવળાટ જોવા મળ્યો હતો.CPR આપી સાપનો જીવ બચાવ્યો હોવાની જવલ્લે જ બનતી ઘટના તાજેતરમાં સપાટી પર આવવા પામી હતી.જેને લઇને જીવદયાપ્રેમીના પ્રયાસોની લોકો સરાહના કરી રહ્યા છે.