Connect Gujarat
દુનિયા

આતંકી ઓસામા બિન લાદેનના પરિવારે પ્રિન્સ ચાર્લ્સને આપ્યા હતા 1 મિલિયન પાઉન્ડ,વાંચો કઈ રીતે થયો ખુલાસો

2013માં પ્રિન્સ ચાર્લ્સે એક સૂટકેસમાં આ રકમ સ્વીકારી હતી. તેના બે વર્ષ પહેલા ઓસામા બિન લાદેનને અમેરિકી સેનાએ ઢેર કરી દીધો હતો

આતંકી ઓસામા બિન લાદેનના પરિવારે પ્રિન્સ ચાર્લ્સને આપ્યા હતા 1 મિલિયન પાઉન્ડ,વાંચો કઈ રીતે થયો ખુલાસો
X

આતંકી ઓસામા બિન લાદેનના પરિવાર પ્રિન્સ ચાર્લ્સના ચેરીટેબલ ટ્રસ્ટ 1 મિલિયન પાઉન્ડ એટલે કે આશરે 0.64 કરોડ રૂપિયા ડોનેટ કર્યા હતા. ધ સન્ડે ટાઈમ્સ ના રિપોર્ટ પ્રમાણે આ રકમ બિન લાદેનના બે સાવકા ભાઈઓએ આપી હતી. પ્રિન્સ ચાર્લ્સે બકર બિન લાદેન અને શફીક પાસેથી આ દાન સ્વીકાર કર્યું હતું. આ રિપોર્ટ બહાર આવ્યા બાદ પ્રિન્સ ચાર્લ્સ ચેરીટી ઓર્ગેનાઈઝેશન પર સવાલ ઉભા થઈ રહ્યા છે.

મીડિયા રિપોર્ટ પ્રમાણે પ્રિન્સ ચાર્લ્સે આ રકમ બકર પાસેથી લંડનના ક્લેરેન્સ હાઉસમાં લીધી હતી. તેમણે ખુદ બકર સાથે મુલાકાત કરી હતી. ત્યારબાદ આ દાન સ્વીકાર્યું હતું 2013માં પ્રિન્સ ચાર્લ્સે એક સૂટકેસમાં આ રકમ સ્વીકારી હતી. તેના બે વર્ષ પહેલા ઓસામા બિન લાદેનને અમેરિકી સેનાએ ઢેર કરી દીધો હતો. ઓસામા અમેરિકાના ટ્વીન ટાવર પર હુમલો કર્યો હતો, જેમાં 3 હજારથી વધુ લોકોના મોત થયા હતા. મૃત્યુ પામનારમાં 67 લોકો બ્રિટનના પણ હતા.

પ્રિન્સ ચાર્લ્સના સલાહકારોએ તેમને આ રકમ ન લેવાની સલાહ પણ આપી હતી. પીડબ્લ્યૂસીએફ ના ચેરમેન સર લોન ચેશાયરે કહ્યું કે બકર બિન લાદેનથી જે ફંડ લીધું તે બધા ટ્રસ્ટીની જાણકારીમાં હતું. તેમણે કહ્યું કે ડોનેશન સ્વીકાર કરવાનો નિર્ણય ટ્રસ્ટીઓએ મળીનો લીધો હતો. આ પહેલા પણ પ્રિન્સ ચાર્લ્સ ટ્રસ્ટ પર ડોનેશન લેવા મુદ્દે સવાલ ઉઠી ચુક્યા છે. ફેબ્રુઆરીમાં પોલીસે સાઉદી અરબના કારોબારી મહેફૂઝ મરેઈ મુબારક પાસેથી ધન લેવાના મામલાની તપાસ શરૂ કરી હતી.

Next Story