પીએમ મોદીએ કરી કમલા હેરિસ સાથે મુલાકાત; આજે રાષ્ટ્રપતિ બિડેનને મળશે વડાપ્રધાન

વડાપ્રધાન નરેન્દ્ર મોદી અને અમેરિકાના ઉપરાષ્ટ્રપતિ કમલા હેરિસ વચ્ચેની પ્રથમ બેઠક લગભગ રાત્રે પોણા એક કલાકે થઈ હતી. કમલા હેરિસ અને પીએમ મોદીની બેઠકમાં પાકિસ્તાનના આતંકવાદનો મુદ્દો પણ ઉઠાવવામાં આવ્યો છે. જ્યારે બેઠકમાં આતંકવાદનો મુદ્દો ઉઠાવવામાં આવ્યો ત્યારે ખુદ કમલા હેરિસે કહ્યું કે પાકિસ્તાન આતંકવાદમાં સામેલ છે અનેક આતંકવાદી સંગઠનો ત્યાં કામ કરે છે. વ્હાઈટ હાઉસમાં બંને નેતાઓ વચ્ચે લગભગ એક કલાક સુધી અનેક મુદ્દાઓ પર ચર્ચા થઈ. કમલા હેરિસે કોરોના દરમિયાન ભારતના પગલાં, આંતરરાષ્ટ્રીય મદદ અને રસીકરણની પ્રશંસા કરી. પીએમ મોદીએ કોરોના સમયગાળામાં મદદ કરવા માટે અમેરિકાનો આભાર પણ માન્યો હતો. વડા પ્રધાન નરેન્દ્ર મોદીએ પણ કમલા હેરિસને ભારત આવવાનું આમંત્રણ આપ્યું છે. કહ્યું છે કે જો તે ભારત આવશે તો આખો દેશ ખૂબ ખુશ થશે.

આ પ્રથમ વખત છે જ્યારે ભારતીય-અમેરિકન ઉપરાષ્ટ્રપતિએ ભારતીય વડાપ્રધાનનું સ્વાગત કર્યું છે. ઉપરાષ્ટ્રપતિ કમલા હેરિસે વડાપ્રધાનનું સ્વાગત કરીને ખુશી વ્યક્ત કરી છે. તેમણે કહ્યું કે તેઓ ભારતના પીએમનું સ્વાગત કરીને ખૂબ જ ખુશ છે. આ વાતચીતમાં પીએમ મોદીએ કમલા હેરિસની ઘણી પ્રશંસા પણ કરી હતી. પીએમ મોદીએ કહ્યું કે કમલા હેરિસ સમગ્ર વિશ્વ માટે પ્રેરણા સમાન છે.

વ્યૂહાત્મક ભાગીદારીને મજબૂત કરવા પર ભાર મૂક્યો હતો. બેઠક દરમિયાન વડાપ્રધાન મોદીએ વિશ્વાસ વ્યક્ત કર્યો હતો કે અમેરિકાના રાષ્ટ્રપતિ જો બિડેન અને ઉપરાષ્ટ્રપતિ કમલા હેરિસના નેતૃત્વમાં દ્વિપક્ષીય સંબંધો નવી ઊંચાઈઓ સુધી પહોંચશે. બેઠક દરમિયાન, બંને નેતાઓએ બંને દેશો વચ્ચે વ્યૂહાત્મક ભાગીદારીને મજબૂત કરવા પર ભાર મૂક્યો અને પરસ્પર અને વૈશ્વિક હિતના મુદ્દાઓ પર ચર્ચા કરી.

બંને નેતાઓ વચ્ચે આ પ્રથમ મુલાકાત છે. અગાઉ, હેરિસે ભારતમાં કોવિડ -19 કટોકટી દરમિયાન મોદી સાથે ફોન પર વાત કરી હતી. હેરિસે ભારતને અમેરિકાનો "ખૂબ જ મહત્વપૂર્ણ ભાગીદાર" ગણાવ્યો હતો. નવી દિલ્હીની જાહેરાતનું પણ સ્વાગત કર્યું જેમાં ભારતે ટૂંક સમયમાં કોવિડ -19 રસીની નિકાસ ફરી શરૂ કરવાની વાત કરી છે.

બિડેન અને પીએમ મોદી વચ્ચેની બેઠક અંગે કમલા હેરિસને મળ્યા બાદ આજે તમામની નજર રાષ્ટ્રપતિ બિડેન અને પીએમ મોદી વચ્ચેની બેઠક પર છે. ભારતીય સમય અનુસાર પીએમ મોદી-બિડેન વ્હાઈટ હાઉસમાં રાત્રે 8.30 વાગ્યે દ્વિપક્ષીય બેઠક કરશે.

બિડેનને મળ્યા બાદ પીએમ મોદી વ્હાઈટ હાઉસમાં જ રાત્રે 11.30 કલાકે ક્વોડ એટલે કે અમેરિકા, જાપાન, ઓસ્ટ્રેલિયા સાથે પણ બેઠક કરશે. ક્વાડ પહેલા પીએમ મોદી સવારે 3 વાગ્યાની આસપાસ ઓસ્ટ્રેલિયન પીએમ મોરિસન અને જાપાનના પીએમ સાથે પણ મુલાકાત કરી ચૂક્યા છે.