અમેરિકા : ડોનાલ્ડ ટ્રમ્પ પર જીવલેણ હુમલો, ગોળી કાન પર વાગી

અમેરિકામાં આ દિવસોમાં ચૂંટણીનો માહોલ છે અને રાષ્ટ્રપતિ પદની રેસમાં આગળ ચાલી રહેલા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની રેલીમાં ફાયરિંગ થયું હતું. યુએસ સિક્રેટ સર્વિસના પ્રવક્તા એન્થોની ગુગલીએલ્મીએ કહ્યું કે ટ્રમ્પ સુરક્ષિત છે. આ ઘટના બાદ, ડોનાલ્ડ ટ્રમ્પને યુએસ સિક્રેટ સર્વિસ એજન્ટ્સ દ્વારા તરત જ સ્ટેજ પરથી દૂર લઈ ગયા હતા.

આ ઘટનાનો વીડિયો સોશિયલ મીડિયા પર વાયરલ થયો

આ ફાયરિંગની ઘટનામાં ટ્રમ્પ ઘાયલ થયાના પણ સમાચાર છે. વીડિયોમાં જોઈ શકાય છે કે ગોળીનો અવાજ સંભળાતા જ ટ્રમ્પે જમણા હાથથી પોતાનો જમણો કાન પકડી લીધો, પછી તેને જોવા માટે પોતાનો હાથ નીચે લાવ્યો અને પછી તે પોડિયમની પાછળ ઘૂંટણિયે બેસી ગયો અમેરિકન સિક્રેટ સર્વિસ એજન્ટોના એક જૂથે તેને આવરી લીધો. વીડિયોમાં જોઈ શકાય છે કે ટ્રમ્પના કાનમાંથી લોહી નીકળી રહ્યું છે. 

View this post on Instagram

A post shared by Connect Gujarat TV (@connectgujarat)

ગુગ્લિએલ્મીએ પુષ્ટિ કરી કે ટ્રમ્પ સુરક્ષિત છે અને વધુ માહિતી જેમ જેમ ઉપલબ્ધ થશે તેમ જાહેર કરવામાં આવશે. યુએસ સિક્રેટ સર્વિસના અધિકારીએ કહ્યું કે અમે નિવારક સુરક્ષા પગલાં લાગુ કર્યા છે. આ અંગે વધુ તપાસ કરવામાં આવી રહી છે.

શૂટર માર્યો ગયો

એક સ્ત્રોતે રોઇટર્સને જણાવ્યું હતું કે શૂટર માર્યો ગયો હતો અને યુએસ સિક્રેટ સર્વિસ શૂટરના હત્યાના પ્રયાસ અને હેતુને નિર્ધારિત કરવાનો પ્રયાસ કરી રહી હતી. રેલીમાં હાજર અન્ય એક વ્યક્તિના મોતના પણ સમાચાર છે.