નેપાળમાં સોશિયલ મીડિયા પર પ્રતિબંધથી યુવાનો સંસદમાં ઘૂસ્યા, ફાયરિંગમાં એકનું મોત,70થી વધુ ઇજાગ્રસ્ત

નેપાળની રાજધાની કાઠમંડૂમાં આજે સોશિયલ મીડિયા પ્લેટફોર્મ પર પ્રતિબંધનો વિરોધ કરતાં મોટાપાયે Gen-Z  દેખાવો થઇ રહ્યા છે.

હજારોની સંખ્યામાં Gen-Z યુવાનો અને યુવતીઓ રસ્તા પર ઉતર્યા છે. તેઓ સરકાર દ્વારા સોશિયલ મીડિયા પ્લેટફોર્મ પર લાદવામાં આવેલા પ્રતિબંધને પાછો ખેંચવાની માંગ સાથે સંસદ ભવનમાં ઘૂસી ગયા હતા. આંદોલનકારીઓનું આ આંદોલન ઉગ્ર ન બને તે હેતુ સાથે વહીવટીતંત્રે વિસ્તારમાં કરફયુનો આદેશ આપ્યો હતો,પરંતુ સ્થિતિ વણસતા યુવાનો સંસદમાં ઘૂસ્યા જેના પગલે સુરક્ષાદળોએ તેમને રોકવાનો પ્રયાસ રૂપે ફાયરિંગ કર્યું તો મામલો બિચક્યો. જેમાં એક વિદ્યાર્થીનું મોત નીપજ્યું જ્યારે અન્ય 70થી વધુ ઇજાગ્રસ્ત થયા હતા.

નેપાળની ઓલી સરકારે ફેસબુક, યુટ્યુબ, ઇન્સ્ટાગ્રામ, અને X સહિત વિવિધ સોશિયલ મીડિયા પ્લેટફોર્મ પર પ્રતિબંધ લાદવાનો નિર્ણય લીધા બાદ મોટાપાયે આંદોલનકારીઓ Gen-Z આંદોલન સાથે રસ્તા પર ઉતરી આવ્યા છે. કાઠમંડુના વિવિધ શહેરોમાં વડાપ્રધાન કેપી શર્મા ઓલી સરકાર વિરુદ્ધ Gen-Z રિવોલ્યુશન શરૂ થયુ છે. મૈતીઘર, કાઠમંડુ, અને અન્ય ટોચના શહેરોમાંથી હજારોની સંખ્યામાં યુવાનો ભ્રષ્ટાચાર અને સરકારના સોશિયલ મીડિયા પર અંકુશનો વિરોધ કરતા રેલી યોજી રહ્યા છે. તેઓએ સરકાર પર નાગરિકોની આઝાદી છીનવી લેવાનો આરોપ મૂકતાં સુત્રોચ્ચાર કર્યા છે.