Connect Gujarat
ગુજરાત

કચ્છ : ભુજના એએસઆઈ ઉમર ઈસ્માઈલ નોડે એ ગળેફાંસો ખાઈ કર્યો આપઘાત

કચ્છ : ભુજના એએસઆઈ ઉમર ઈસ્માઈલ નોડે એ ગળેફાંસો ખાઈ કર્યો આપઘાત
X

પશ્ચિમ કચ્છ પોલીસ દળના આસિસ્ટન્ટ સબ ઈન્સ્પેક્ટર ઉમર ઈસ્માઈલ નોડે એ ભુજમાં તેમના નિવાસસ્થાન કેમ્પ એરીયા નજીક લાલ બંગ્લો તરીકે ઓળખાતી ખંડેર ઈમારતમાં ગળેફાંસો ખાઈ આપઘાત કરી લેતા ચકચાર મચી ગઇ છે.

પોલીસ સૂત્રોના જણાવ્યા પ્રમાણે , ભુજમાં એએસઆઈ તરીકે ફરજ બજાવતા 48 વર્ષીય ઉમરભાઈ ઇસ્માઇલ નોડેએ શહેરના કેમ્પ એરિયામાં જર્જરિત અને અવાવરું મકાનમાં ગળેફાંસો ખાઈ મોતને વ્હાલું કર્યું હતું.ઘટના અંગે જાણ થતાં ભુજ બી ડિવિઝનના પીઆઈ એમ.જે.જલુ સહિતનો સ્ટાફ ઘટનાસ્થળે દોડી ગયો હતો અને મૃતદેહને પોસ્ટમોર્ટમ અર્થે જી.કે. જનરલ હોસ્પિટલ મોકલી આપ્યો હતો.મૃતક ઉમર નોડે લાંબા સમયથી એસપી ઑફિસમાં એમઓબી શાખામાં ફરજ બજાવતા હતા. તાજેતરમાં જ વિવિધ પોલીસકર્મીઓની થયેલી સામૂહિક બદલી અંતર્ગત તેમની મુંદરા મરીન પોલીસ મથકમાં ટ્રાન્સફર થઈ હતી. તેમનો એક પુત્ર ઘણા સમયથી માનસિક અસ્વસ્થ છે અને અન્ય એક સંતાનને ડાયાબિટીશ છે. જે બાબતને લઈ તે સતત ચિંતિત અને અસ્વસ્થ રહેતા હતા.માનસિક તાણમાં આવી આત્મઘાતી પગલું ભર્યું હોવાનું સૂત્રો દ્વારા જાણવા મળ્યું છે. ભુજ બી ડિવિઝન પોલીસે બનાવ અંગે આગળની તપાસ શરૂ કરી છે.

Next Story
Share it