Top
Connect Gujarat

ખેડા : માતર ચોકડી નજીક ટ્રક અને કાર વચ્ચે થયો અકસ્માત, 3 NRIના મોત

ખેડા : માતર ચોકડી નજીક ટ્રક અને કાર વચ્ચે થયો અકસ્માત, 3 NRIના મોત
X

ખેડા-અમાદવાદ બાયપાસ રોડ પર આવેલા માતર ચોકડી નજીક ટ્રકની ઓવરટેક કરવા જતા એક ઈકો કાર ધડાકાભેર અથડાઇ હતી. આ અકસ્માતમાં દુબઈથી ખંભાત આવતા એક પટેલ પરિવારના ત્રણ સભ્યોના ઘટનાસ્થળે જ મોત થયા હતા. જ્યારે પુત્રવધુ અને દીકરી સહિત કાર ચાલકનો આબાદ બચાવ થયો હતો. અકસ્માતને પગલે રસ્તા પર ટ્રાફિક જામ થઈ ગયો હતો અને પોલીસે ઘટનાસ્થળે પહોંચીને કાર્યવાહી હાથ ધરી હતી.

આ ઘટનાની પ્રાપ્ત વિગતો મુજબ ખંભાત ચોક બજાર ખાતે સેવંતીલાલ પટેલ (ઉ.વ. 65) પોતાના પરિવાર સાથે રહે છે. મંગળવારે સવારે સેવંતીલાલ પટેલ, તેમના પત્ની અંજનાબેન પટેલ (ઉં.વ. 60), પુત્ર હિમાંશુભાઈ (ઉં.વ.40) તેમના પત્ની અને દીકરી દુબઈથી અમદાવાદ એરપોર્ટ પર ઉતર્યા હતા.

જ્યાં ખંભાતના એક રહીશ ઈકોગાડી નં. GJ-23 AN 5576 લઈ અમદાવાદ એરપોર્ટ લેવા ગયા હતા. તે ખંભાતના પરિવારને ગાડીમાં બેસાડી ખંભાત જવા રવાના થયા હતા. દરમિયાન ખેડા-અમદાવાદ રોડ પર માતર ચોકડી નજીક પાસે ટ્રકને ઓવરટેક કરવા જતા ટ્રક નં, GJ-1 AU 4613 સાથે ટકરાતા ઈકો ગાડીનો બુકડો બોલી ગયો હતો અને ઘટનાસ્થળે ગંભીર રીતે ઘવાયેલા સેવંતીલાલ પટેલ, હિમાંશુ પટેલ, અંજનાબેન પટેલનું ઘટનાસ્થળે જ મોત નિપજ્યું હતું. જ્યારે પુત્રવધુ, દીકરી અને કારચાલકનો આબાદ બચાવ થયો હતો.

Next Story
Share it