Connect Gujarat
ગુજરાત

ફણસાની વાડિયા સ્કૂલ ખાતે શ્રેષ્ઠ શિક્ષક પારિતોષિક સન્માન સમારોહ યોજાયો

ફણસાની વાડિયા સ્કૂલ ખાતે શ્રેષ્ઠ શિક્ષક પારિતોષિક સન્માન સમારોહ યોજાયો
X

વલસાડ જિલ્લાના ઉમરગામ તાલુકાના ફણસા ખાતેની બી.એમ. એન્‍ડ બી.એફ. વાડિયા હાઇસ્‍કૂલ ખાતે શ્રેષ્‍ઠ શિક્ષક પારિતોષિક સન્‍માન સમારોહ વન અને આદિજાતિ રાજ્‍યમંત્રી રમણલાલ પાટકરની અધ્‍યક્ષતામાં યોજાયો હતો.

આ અવસરે આદિજાતિ મંત્રી રમણલાલ પાટકરે સમાજના ઘડવૈયા શિક્ષકોને અભિનંદન પાઠવતાં જણાવ્‍યું હતું કે, એક શિક્ષક સમાજમાં ખૂબ જ ઊંચુ સ્‍થાન ધરાવે છે, બાળકોમાં સંસ્‍કારનું ઘડતર કરવામાં તેમજ ચારિત્ર્યવાન બનાવવામાં શિક્ષકનો ફાળો અમૂલ્‍ય હોય છે.

આ અવસરે માધ્‍યમિક વિભાગમાં એવોર્ડ મેળવનાર યોગેશભાઇ મહેર અને તાલુકા કક્ષાએ એવોર્ડ મેળવનાર ભરતભાઇ પટેલને સન્‍માનપત્ર આપી અને શાલ ઓઢાડીને મંત્રીશ્રીના હસ્‍તે સન્‍માનિત કરાયા હતા.

આ અવસરે ફણસા ગ્રામ પંચાયત સરપંચ સરોજબેન, તાલુકા પંચાયત કારોબારી અધ્‍યક્ષ આરતીબેન પટેલ, શાળા પરિવાર, ગ્રામજનો, શાળાના બાળકો હાજર રહયા હતા.

Next Story
Share it