Connect Gujarat
ગુજરાત

હાલોલ સ્ટેશન રોડ ઉપર આવેલા આર્યુવેદીક હોસ્પિટલમાં લાગી આગ

હાલોલ સ્ટેશન રોડ ઉપર આવેલા આર્યુવેદીક હોસ્પિટલમાં લાગી આગ
X

હાલોલ શહેરના સ્ટેશન રોડ ઉપર આવેલા એક આયુર્વેદિક હોસ્પિટલમાં અગમ્ય કારણોસર આગની ઘટના બની હતી.તે આગ લાગવાને કારણે ધુમાડાના ગોટેગોટા દેખાતા સ્ટેશન રોડ વિસ્તારમાં અફડા તફડીનો માહોલ સર્જાયો હતો. સ્ટેશન રોડ ઉપર આવેલા કોર્ટ કચેરી,બેન્કોની શાખાઓ ટ્રાન્સપોર્ટની ઓફિસો તેમજ રહેણાક વિસ્તાર હોવાને લીધે આ વિસ્તારમાં ભારે અવર જવર હોવાથી લોકોમાં ભાગદોડ મચી ગઈ હતી. પરંતુ સ્થાનિક લોકો દ્વારા હાલોલ નગર પાલિકાના ફાયર ફાઈટરને જાણ કરવામાં આવતા ફાયર ફાઈટરની ટીમ તાત્કાલિક ઘટના સ્થળે પહોંચી જઈ આગ ઉપર કાબુ મેળવવાના પ્રયાસો હાથ ધર્યા હતા .

હાલોલ શહેરના સ્ટેશન રોડ ઉપર એક આયુર્વેદિક હોસ્પિટલ આવેલી છે અને આ હોસ્પિટલમાં આજે સવારના સમયે હોસ્પિટલ બંધ હતી તે દરમિયાન અંદર એકા એક આગ ફાટી નીકળતા દવાખાનું તમામ ફર્નિચર બળીને ભસ્મભૂત થઈ જવા પામ્યુ હતું. આગને પગલે દુકાનની અંદરથી ધુમાડાના ગોટે ગોટા દેખાતા આસપાસના લોકોના જીવ પડીકે બંધાયા હતા. આ બનાવની જાણ હાલોલ નગર પાલિકાના ફાયર ફાઈટરની ટીમને કરવામાં આવતા તાત્કાલિક ઘટના સ્થળે પહોંચી જઈ પાણીનો મારો ચલાવી ગણતરીના સમયમાં આગ ઉપર કાબૂ મેળવવામાં આવતા આસપાસના લોકોએ હાશકારો અનુભવ્યો હતો. આગની આ ઘટનામાં કોઈપણ જાન હાની થવા પામી નથી.

સ્ટેશન રોડ શહેરનો હાર્દ સમા વિસ્તાર કહેવાય છે. આ વિસ્તારમાં કોર્ટ કચેરી, બેન્કની શાખાઓ, રહેણાંક મકાનો, ટ્રાન્સપોર્ટ ઓફિસો અને પ્રિન્ટીંગ પ્રેસ જેવા અનેક વ્યવસાય સાથે સંકળાયેલા લોકોની સમગ્ર દિવસ દરમિયાન ભારે અવર જવર રહેતી હોય છે. જેના કારણે અહીં અવર જવર કરતા લોકોમાં ભાગદોડ મચી જવા પામી હતી. આ આગના કારણે કોઈ જાનહાની થવા પામી નથી. અને આ આગ લાગવાની ઘટનાની જાણ શહેરમાં વાયુવેગે ફેલાતા મોટી સંખ્યામાં લોકટોળા ઉમટ્યા હતા અને આને લઈ પોલીસ પણ તાત્કાલિક ઘટના સ્થળ પર દોડી આવી હતી.

Next Story
Share it