• ગિરનારની લીલી પરિક્રમાનો થયો છે પ્રારંભ

  • શ્રદ્ધાળુઓ ઉત્સાહ સાથે કરી રહ્યા છે પરિક્રમા

  • બે દિવસમાં 9 ભાવિકોના થયા મોત

  • હૃદયરોગના હુમલાથી નિપજ્યા મોત

  • પરિક્રમામાં પ્રથમ વખત સર્જાઈ હૃદયરોગની ઘટના 

જૂનાગઢમાં ગરવા ગિરનારની લીલી પરિક્રમા દરમિયાન અલગ અલગ રૂટ પર 9 આધેડ વયના શ્રદ્ધાળુઓના હૃદયરોગના હુમલાથી કરૂણ મોત નિપજ્યા હતા.

જૂનાગઢમાં ગરવા ગિરનારની લીલી પરિક્રમાનો વિધિવત પ્રારંભ થયો છે. જય ગિરનારીના નાદ સાથે ભાવિકોએ લીલી પરિક્રમાનો પ્રારંભ કર્યો હતો.જોકે, આ પરિક્રમા દરમિયાન માત્ર બે દિવસમાં જ 9 ભાવિકોના હૃદયરોગના હુમલાથી મોત થયા છે.પરિક્રમામાં 36 કિલોમીટરનું અંતર પરિક્રમાવાસીઓએ ચાલીને પૂરું કરવાનું હોય છે,ત્યારે સાહસિક આ પરિક્રમા અસ્વસ્થ શ્રદ્ધાળુઓના જીવ માટે જોખમરૂપ પણ સાબિત થાય છે,જોકે પરિક્રમાના ઇતિહાસમાં પ્રથમ વખત 9 શ્રદ્ધાળુઓના હૃદયરોગથી મોત નિપજ્યા છે.જે માંથી 8 મૃતદેહોને સિવિલ હોસ્પિટલ ખાતે ખસેડવામાં આવ્યા હતા. 

મૃતકોમાંજસદણ,અમરસર,દેવળા,ગાંધીધામ,મુંબઈ,અમદાવાદ અને રાજકોટના 3 શ્રદ્ધાળુઓના મોત નિપજ્યા હતા.હૃદયરોગના હુમલામાં 50 વર્ષથી 70 વર્ષના શ્રદ્ધાળુઓના મોત નિપજ્યા હતા.

મૃતક નામની યાદી:

  1. મુળજી લોખીલ – રાજકોટ

  2. મનસુખભાઈ     – રાજકોટ

  3. અરવિંદ સિંધવ – રાજકોટ

  4. પરસોત્તમ ભોજાણી – જસદણ

  5. હમીર લમકા – અમરસર

  6. રસિક ભરડવા – દેવળા

  7. આલા ચાવડા – ગાંધીધામ

  8. અરુણ ટેલર – મુંબઈ

  9. નટવર લાલ પટેલ – અમદાવાદ