Connect Gujarat
અમદાવાદ 

અમદાવાદ : શ્વાનની બર્થ ડે પાર્ટીમાં કાજલ મહેરીયાની હાજરી, ભીડ ભેગી થતાં કોરોનાને ઇજન

જાણીતી ગાયિકા કાજલ મહેરીયાએ શ્વાનની બર્થ ડે પાર્ટીમાં હાજરી આપી હતી. આ પાર્ટીમાં સોશિયલ ડીસટન્સના નિયમોના ઉલાળિયા થતાં હોય તેવો વિડીયો વાયરલ થયા બાદ આ મામલે પોલીસે ફરિયાદ પણ નોંધી છે.

X

જાણીતી ગાયિકા કાજલ મહેરીયાએ શ્વાનની બર્થ ડે પાર્ટીમાં હાજરી આપી હતી. આ પાર્ટીમાં સોશિયલ ડીસટન્સના નિયમોના ઉલાળિયા થતાં હોય તેવો વિડીયો વાયરલ થયા બાદ આ મામલે પોલીસે ફરિયાદ પણ નોંધી છે.

અમદાવાદમાં કોરોનાના કેસ ઝડપથી વધી રહયાં છે તેવામાં ગાઇડલાઇનનું ચુસ્ત પાલન કરવું આવશ્યક છે. આવામાં નિકોલના મધુવન પાર્ટી પ્લાટ ખાતે 7 જાન્યુઆરીએ કાજલ મહેરિયાએ ચિરાગ પટેલના શ્વાન એબ્બીનો બર્થ-ડે સેલિબ્રેશનમાં હાજરી આપી હતી. શ્વાનની બર્થ ડે પાર્ટીમાં મોટી સંખ્યામાં લોકો એકત્ર થયાં હતાં. અમદાવાદમાં કોરોનાને પગલે સ્થિતિ ખરાબ છે તેવા સમયે આ પાર્ટીમાં લોકોનાં ટોળાં જોવા મળ્યાં હતાં. બર્થ ડે પાર્ટીનો વિડીયો સોશિયલ મિડીયામાં વાયરલ થયા બાદ પોલીસ પણ એકશનમાં આવી છે. આખી ઘટનાની વાત કરવામાં આવે તો નિકોલમાં આવેલી મધુવન ગ્રીન પાર્ટી પ્લોટ ખાતે ચિરાગ ઉર્ફે ડાગો પટેલે મિત્રો સાથે મળીને પોતાના એબ્બી નામના ડોગનો બર્થ ડે ઉજવ્યો હતો. આ મામલે ચિરાગ ઉર્ફે ડાગો પટેલ, ઉર્વીશ પટેલ, દિવ્યેશ મહેરીયાની ધરપકડ કરવામાં આવી છે. આરોપીઓએ પાલતુ શ્વાન એબ્બીના જન્મ દિવસ નિમિતે પોતાના સગા સંબંધી મિત્રોને ભેગા કર્યાં હતાં અને નિયમોનું પાલન નહી કરી અન્ય લોકોના જીવ જોખમમાં મુકી દીધાં હતાં.

Next Story
Share it