અંકલેશ્વર : આંબોલી નજીકથી શંકાસ્પદ ભંગારના જથ્થા સાથે 2 ઈસમોની પોલીસે કરી અટકાયત...
ભરૂચ જિલ્લાના અંકલેશ્વર એ’ ડીવીઝન પોલીસે સર્વોદય નગરથી આંબોલી માર્ગ ઉપર આવેલ સુકાવલી પાસેથી શંકાસ્પદ ભંગારના જથ્થા સાથે 2 ઈસમોને ઝડપી પાડ્યા હતા.
ભરૂચ જિલ્લાના અંકલેશ્વર એ’ ડીવીઝન પોલીસે સર્વોદય નગરથી આંબોલી માર્ગ ઉપર આવેલ સુકાવલી પાસેથી શંકાસ્પદ ભંગારના જથ્થા સાથે 2 ઈસમોને ઝડપી પાડ્યા હતા.
મળતી માહિતી અનુસાર, અંકલેશ્વર એ’ ડીવીઝન પોલીસ મથકનો સ્ટાફ પેટ્રોલીંગમાં હતો, તે દરમ્યાન પોલીસને બાતમી મળી હતી કે, સર્વોદય નગરથી આંબોલી માર્ગ ઉપર આવેલ સુકાવલી પાસે 2 ઈસમો મીણીયા કોથળામાં રેલ્વે ટ્રેકના ઉપયોગમાં વપરાતા લોખંડના ટુકડા લઈને ઉભા છે, ત્યારે બાતમીના આધારે પોલીસે સ્થળ પર દરોડા પાડ્યા હતા. જોકે, પોલીસને જોઈ બન્ને ઈસમો ભાગવા જતાં પોલીસે તેઓનો પીછો કરી ઝડપી પાડ્યા હતા. જેમાં 168 કિલો ભંગાર મળી 5 હજારથી વધુનો મુદ્દામાલ જપ્ત કરી ભંગાર અંગે પુછપરછ કરતા તેઓએ સંતોષકારક જવાબ નહીં આપતા પોલીસે બોઈદ્રા અને આંબોલી ગામના 2 ઇસમોની અટકાયત કરી વધુ તપાસ હાથ ધરી છે.