જો બોર્ડની પરીક્ષાની તૈયારી નથી કરી રહ્યા તો શરૂ કરો આ કામ, ઓછા દિવસોમાં પણ સારા માર્ક્સ મેળવી શકશો.

સમગ્ર દેશમાં બોર્ડની પરીક્ષાને હવે ગણતરીના દિવસો જ બાકી રહ્યા છે. બોર્ડની પરીક્ષાઓ પહેલા જ વિદ્યાર્થીઓના મનમાં તેમની તૈયારી, કેટલી તૈયારી કરી છે અને આ તૈયારી સાથે તેઓ કેટલા માર્કસ મેળવી શકશે તે અંગે અનેક શંકા-કુશંકા હોય છે. આ સમયે, એવા કેટલાક વિદ્યાર્થીઓ હશે જેમણે હજુ સુધી તૈયારી કરી નથી, તેથી તેઓ બોર્ડની પરીક્ષાને લઈને અસ્વસ્થતા અનુભવી શકે છે.

જો તમને પણ આવી જ સમસ્યા છે તો અમે અહીં કેટલીક એવી ટિપ્સ આપી રહ્યા છીએ જેને અનુસરીને તમે ઓછા સમયમાં તમારી તૈયારીઓ પૂર્ણ કરી શકો છો અને સરળતાથી સારા માર્ક્સ મેળવી શકો છો.

જો તમે હજુ સુધી બોર્ડની પરીક્ષા માટે યોગ્ય રીતે તૈયારી કરી નથી, તો સૌથી પહેલા તમારી દિનચર્યાનું ટાઈમ ટેબલ બનાવો. જો તમારે ઓછા સમયમાં સારી તૈયારી કરવી હોય તો ઓછામાં ઓછા 6 થી 10 કલાક અભ્યાસ માટે આપો. તમે તમારી ક્ષમતા મુજબ અભ્યાસના કલાકો પસંદ કરી શકો છો અને તે મુજબ તમારું ટાઈમ ટેબલ તૈયાર કરી શકો છો.

ટાઈમ ટેબલમાં તમારે બધા વિષયો માટે સમય આપવો પડશે જેથી દરેક વિષયની તમારી તૈયારી એક સાથે ચાલુ રહે. ટાઈમ ટેબલમાં તમે જે વિષયોમાં કુશળ છો તેને ઓછો સમય આપો અને જે વિષયમાં તમને મુશ્કેલી પડી રહી છે તેને વધુ સમય આપો જેથી કરીને તમે તમારા અભ્યાસમાં સંતુલન બનાવી શકો.