એપલે ટ્વિટર પર જાહેરાત ફરી શરૂ કરી, એલોન મસ્કનો દાવો.!

ટ્વિટરના નવા માલિક અને ટેસ્લાના ચીફ એક્ઝિક્યુટિવ ઓફિસર (CEO) એલોન મસ્કે રવિવારે સંકેત આપ્યો કે જાહેરાતકર્તાઓ માઇક્રો-બ્લોગિંગ સાઇટ પર પાછા ફર્યા છે. મસ્કે રવિવારે ટ્વીટ કરીને આ અંગેની માહિતી આપી છે. મસ્ક ટ્વિટર પર પાછા ફરવા બદલ જાહેરાતકર્તાઓનો આભાર માનવા માટે માત્ર એક નોંધ લખી. તમને જણાવી દઈએ કે હાલમાં જ મસ્કે ટેક્નોલોજી દિગ્ગજ એપલની ટીકા કરતા ટ્વિટ કર્યું હતું કે એપલે તેના એપ સ્ટોરમાંથી ટ્વિટર પાછું ખેંચવાની ધમકી આપી છે.

મસ્કના ટ્વિટર હસ્તાંતરણ બાદથી ઘણા લોકો તેનો વિરોધ કરી રહ્યા છે. તાજેતરમાં, ટ્વિટરના ભૂતપૂર્વ સુરક્ષા વડા યોએલ રોથે મસ્કના નેતૃત્વમાં ટ્વિટરને અસુરક્ષિત ગણાવ્યું હતું. તેમણે એક ઈન્ટરવ્યુમાં જણાવ્યું હતું કે ટ્રસ્ટ અને સુરક્ષા ટીમની ચેતવણી છતાં ટ્વિટર બ્લુ પ્રીમિયમ સબસ્ક્રિપ્શનમાં ફેરફાર શરૂ કરવામાં આવ્યો હતો.

પેઇડ બ્લુ સબસ્ક્રિપ્શનમાં યુઝર્સને $8માં વેરિફાઇડ ચેકમાર્કની સુવિધા આપવામાં આવે છે. પરંતુ કંપનીએ તેના મોટાભાગના કર્મચારીઓને કાઢી મૂક્યા છે, જેનાથી યુઝર્સના ડેટા પર જોખમ પણ વધી શકે છે. જણાવી દઈએ કે રોથના રાજીનામા બાદ ટ્વિટર પર જાહેરાત કરતી કંપનીઓની સંખ્યા પણ ઘટી ગઈ હતી.