જૈશના આતંકી હિલાલ અહમદ નાઇકૂને ઝડપી પાડ્યો
આતંકવાદને જમ્મુ-કાશ્મીરમાંથી નાબૂદ કરવાના સુરક્ષા દળોના પ્રયત્નોમાં વધુ એક સફળતા સાંપડી છે. સોમવારે રાજ્યના અનંતનાગ જિલ્લામાંથી જૈશ એ મહોમ્મદના આતંકીને જીવતો ઝડપી લેવામાં આવ્યો છે.
એજન્સીઓને ઝડપી લેવાયેલ આતંકીનો પાકિસ્તાનમાં સંપર્ક હોવાનો અને દક્ષિણ કાશ્મીરમાં આતંકી કૃત્યોમાં સામેલ હોવાની આશંકા છે. આ સંદર્ભે અધિકારીઓ તેની કડક પૂછપરછ કરી રહ્યા છે.
સૂત્રો મુજબ, સેનાને સોમવારે સવારે અનંતનાગના વેરીનાગ વિસ્તારમાં કેટલાક આતંકી સંતાયા હોવાની જાણકારી મળી હતી. જેના આધારે સુરક્ષા દળોએ એક સંયુક્ત ઓપરેશન કરી જૈશના આતંકી હિલાલ અહમદ નાઇકૂને ઝડપી લીધો હતો. આ દરમિયાન તેની પાસેથી મોટા પ્રમાણમાં વિસ્ફોટક સામગ્રી મળી આવી હતી