અંકલેશ્વર: ગુંજ સોશ્યલ ગ્રુપ દ્વારા આયોજિત સમૂહ લગ્નોત્સવમાં 51 યુગલોએ પ્રભુતામાં ડગ માંડ્યા

ભરૂચના અંકલેશ્વર-હાંસોટ રોડ પર આવેલા ગુંજ ગ્રાઉન્ડ ખાતે રવિવારે છઠ્ઠો સર્વજ્ઞાતિ સમૂહ લગ્નોત્સવ ધામધૂમથી યોજાયો હતો.

અંકલેશ્વર ગુંજ સોશ્યલ ગ્રુપ દ્વારા આયોજિત સમૂહ લગ્નોત્સવમાં 51 યુગલોએ રામકુંડના મહંત ગંગાદાસજી બાપુ, મુખ્ય મહેમાન શિવલાલજી ગોયલની ઉપસ્થિતીમાં પ્રભુતામાં પગલાં પાડ્યા હતા.આ પ્રસંગે ગુંજ સોશ્યલ ગ્રુપના પ્રમુખ સુધીર ગુપ્તા, ધર્મેશ ચાવડા, પિયુષ પટેલ, સંદીપ પટેલ, હરિવદન પટેલ, ગણેશ અગ્રવાલ, જ્યેન્દ્ર પટેલ અને સંજય ભટ્ટ સહિતે સમૂહ લગ્નોત્સવને સફળ બનાવવા ભારે જહેમત ઉઠાવી હતી.