અંકલેશ્વર: કરોડો રૂપિયાના દારૂના જથ્થા પર રોલર ફેરવાયુ, રૂ.1 કરોડથી વધુના દારૂના જથ્થાનો નાશ

અંકલેશ્વર-હાંસોટ રોડ ઉપર આવેલ કડકિયા કોલેજ પાસે અવાવરુ જગ્યા ઉપર ડી.વાય.એસ.પી અને મામલતદાર સહીતના અધિકારીઓની હાજરીમાં ૧.૨૭ કરોડ ઉપરાંતના વિદેશી દારૂના જથ્થા ઉપર રોડ રોલર ફેરવી નાશ કરવામાં આવ્યો હતો. અંકલેશ્વર શહેરના પાંચ પોલીસ મથક શહેર એ ડીવીઝન,બી ડીવીઝન અને તાલુકા પોલીસ મથક તેમજ જી.આઈ.ડી.સી. સહીત પાનોલી પોલીસ મથક ખાતે ગત વર્ષ દરમિયાન ઝડપાયેલ ૧ લાખથી વધુની બોટલો ઝડપાઈ હતી જે તમામ દારૂના જથ્થાનો નાશ કરવા નામદાર કોર્ટના આદેશ મુજબ આજરોજ ડી.વાય.એસ.પી.,મામલતદાર અને તમામ પોલીસ મથકના પી.આઈ.,પી.એસ.આઈ.સહિતના સ્ટાફની હાજરીમાં કડકિયા કોલેજ પાસે અવાવરુ જગ્યા ઉપર કુલ રૂ.૧,૨૭,૭૬૮૩૦ના વિદેશી દારૂના જથ્થા ઉપર રોડ રોલર ફેરવીને તમામ જથ્થાનો નાશ કરવામાં આવ્યો હતો.