Connect Gujarat
Featured

દેવભુમિ દ્વારકા : જુની નગરપાલિકા વિસ્તારમાં હોસ્પિટલ અને મેડીકલ સ્ટોરમાં લાગી આગ

દેવભુમિ દ્વારકા : જુની નગરપાલિકા વિસ્તારમાં હોસ્પિટલ અને મેડીકલ સ્ટોરમાં લાગી આગ
X

રાજયમાં ફાયર સેફટીના મુદ્દે સરકારની બેદરકારી છતી થઇ રહી છે. રાજયમાં એક પછી એક હોસ્પિટલમાં આગના બનાવો બની રહયાં છે. મંગળવારના રોજ દ્વારકામાં બંધ હોસ્પિટલમાં આગ લાગતાં દોડધામ મચી ગઇ હતી. આગની ઝપેટમાં નજીકમાં આવેલો મેડીકલ સ્ટોર પણ આવી ગયો હતો.

અમદાવાદની શ્રેય અને રાજકોટની શિવાનંદ હોસ્પિટલ તથા વડોદરાની સયાજી હોસ્પિટલ બાદ હવે દ્રારકાની આદિત્ય હોસ્પિટલમાં આગની ઘટના બની છે. મંગળવારના રોજ બપોરના સમયે દ્વારકાના જુની નગરપાલિકા વિસ્તારમાં આવેલી આદિત્ય હોસ્પિટલમાં અચાનક આગ લાગી હતી. આગના પગલે હોસ્પિટલનો સ્ટાફ બહાર દોડી આવતાં તેમનો બચાવ થયો હતો. આ ઘટનામાં નજીકમાં આવેલો મેડીકલ સ્ટોર પણ આગની ઝપેટમાં આવી ગયો હતો. નગરપાલિકાના લાશ્કરોએ દોડી આવી આગ પર કાબુ મેળવી લીધો હતો. સદનસીબે આગમાં કોઇ જાનહાનિ થઇ નથી. શોર્ટ સરકીટના કારણે આગ લાગી હોવાનું પ્રાથમિક અનુમાન લગાવાય રહયું છે.

Next Story