ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધો.10 અને 12ની પરીક્ષામાં ST નિગમ દોડાવશે વધુ બસો

બોર્ડની પરીક્ષા આપતા વિદ્યાર્થીઓને પરિવહનમાં અગવડતા ન પડે અને વહેલીતકે પરીક્ષા કેન્દ્ર પર પહોંચી શકે તે માટે ST નિગમ દ્વારા વધારાની બસ દોડાવવાનો નિર્ણય કર્યો

author-image
By Connect Gujarat Desk in શિક્ષણ ગુજરાત
New Update
GSRTC Bus

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધોરણ-10 અને ધોરણ-12 પરીક્ષા આગામી 27 ફેબ્રુઆરી 2025થી શરૂ થવાની છે, ત્યારે વિદ્યાર્થીઓને પરિવહનમાં અગવડતા ન પડે અને વહેલીતકે પરીક્ષા કેન્દ્ર પર પહોંચી શકે તે માટે ST નિગમ દ્વારા વધારાની બસ દોડાવવાનો નિર્ણય કર્યો છે. જેમાં આગામી માર્ચ મહિનામાં બોર્ડની પરીક્ષા દરમિયાન વધારાની 85 બસો દોડાવાશે.

રાજ્યમાં આગામી27 ફેબ્રુઆરીથી 17 માર્ચ 2025 દરમિયાન ધોરણ 10 અને 12 બોર્ડની પરીક્ષા યોજાશે છે, ત્યારે વિદ્યાર્થી માટે વધારાની બસ સુવિધાનું આયોજન કરવામાં આવ્યું છે. આ મામલે રાજ્યના ગૃહમંત્રી અને વાહનવ્યવહાર મંત્રી હર્ષ સંઘવીએ સોશિયલ મીડિયા માધ્યમ 'X' પર પોસ્ટ શેર કરીને જણાવ્યું હતું કે, 'એસ.ટી.નિગમ દ્વારા દર વર્ષની જેમ ધોરણ 10 અને 12 બોર્ડના વિદ્યાર્થીઓની જરૂરીયાત પ્રમાણે હાલની રેગ્યુલર સર્વિસો ઉપરાંત વધારાની 250 જેટલી ટ્રીપો ચલાવવાનું આયોજન છે. હાલમાં જે-તે જિલ્લા વહીવટીતંત્ર તરફથી 85 જેટલી એક્સ્ટ્રા બસો સંચાલિત કરવાની માંગણી મળી છે. હજુ પણ માંગણી મળેથી તે મુજબ વધારાની બસો ચલાવવામાં આવશે.'

#બોર્ડની પરીક્ષા #board exam #ST Bus #Harsh Sanghvi #પરીક્ષા #GSRTC #Gujarat ST #Board Exam 2025 #બોર્ડ પરીક્ષા
Related Articles
Read the Next Article

10 પાસ માટે નોકરીની ઉત્તમ તક, પરીક્ષા વિના રેલવે કરી રહ્યું ભરતી, જાણો સંપૂર્ણ વિગતો

ભારતીય રેલવે સરકારી નોકરીની શોધમાં રહેલા યુવાનો માટે એક સુવર્ણ તક લઈને આવી છે. પશ્ચિમ મધ્ય રેલવે (WCR) એ વર્ષ 2025-26 માટે 2,865 અપ્રેન્ટિસ પદો માટે ભરતીની જાહેરાત કરી છે.

author-image
By Connect Gujarat Desk in શિક્ષણ સમાચાર
New Update
railways job

ભારતીય રેલવે સરકારી નોકરીની શોધમાં રહેલા યુવાનો માટે એક સુવર્ણ તક લઈને આવી છે. પશ્ચિમ મધ્ય રેલવે (WCR) એ વર્ષ 2025-26 માટે 2,865 અપ્રેન્ટિસ પદો માટે ભરતીની જાહેરાત કરી છે.


આ ભરતીની વિશેષતા એ છે કે અહીં કોઈ લેખિત પરીક્ષા કે ઇન્ટરવ્યૂ નહીં લેવાય, અને ઉમેદવારોની પસંદગી શૈક્ષણિક યોગ્યતાના આધારે થશે. આ ભરતી રેલવેમાં સ્થિર અને સુરક્ષિત કારકિર્દીની તક આપે છે, જેની સંપૂર્ણ માહિતી wcr.indianrailways.gov.inપર ઉપલબ્ધ છે.

પશ્ચિમ મધ્ય રેલવેની આ ભરતીમાં ઉમેદવારોની પસંદગી મેરિટ લિસ્ટના આધારે થશે, જેમાં 10મા ધોરણ અને ITI (NCVT/SCVT)ના ગુણની ગણતરી કરવામાં આવશે. અરજી પ્રક્રિયા સંપૂર્ણપણે ઓનલાઈન છે, જે 30 ઓગસ્ટ, 2025થી શરૂ થઈ છે અને 29 સપ્ટેમ્બર, 2025 સુધી ચાલશે.

ઉમેદવારોએ 10મું માર્કશીટ, ITI સર્ટિફિકેટ, ફોટો અને સહી અપલોડ કરવાના રહેશે. મહિલા ઉમેદવારો માટે અરજી ફીમાં રાહત આપવામાં આવી છે, જે મહિલા સશક્તિકરણ પર વધુ ભારે મુકે છે.

આ ભરતી માટે ઉમેદવારોએ માન્ય બોર્ડમાંથી 10મું ધોરણ ઓછામાં ઓછા 50% ગુણ સાથે પાસ કરેલું હોવું જોઈએ, સાથે NCVT/SCVT માન્ય સંસ્થામાંથી સંબંધિત ટ્રેડમાં ITI સર્ટિફિકેટ જરૂરી છે. 20 ઓગસ્ટ, 2025ના રોજ ઉમેદવારની ઉંમર 15થી 24 વર્ષની વચ્ચે હોવી જોઈએ.

SC/ST ઉમેદવારોને 5 વર્ષ, OBCને 3 વર્ષ અને PwBD ઉમેદવારોને 10 વર્ષની આયુમર્યાદામાં છૂટ આપવામાં આવશે. આ નિયમો ભરતીને વધુ સમાવેશી બનાવે છે.

આ ભરતીમાં કુલ 2,865 પદો વિવિધ ડિવિઝનમાં ફાળવવામાં આવ્યા છે, જેમાં જબલપુર ડિવિઝનમાં 1,136, ભોપાલ ડિવિઝનમાં 558, કોટા ડિવિઝનમાં 865, CRWS ભોપાલમાં 136, WRS કોટામાં 151 અને મુખ્યમથક જબલપુરમાં 19 પદોનો સમાવેશ થાય છે.

અરજી ફી માટે જનરલ/OBC/EWS ઉમેદવારોએ ₹141 (₹100 ફી + ₹41 પ્રોસેસિંગ ફી) ચૂકવવાના છે, જ્યારે SC/ST/PwBD અને મહિલા ઉમેદવારોએ માત્ર ₹41 (પ્રોસેસિંગ ફી) ચૂકવવાની છે. ચૂકવણી ઓનલાઈન માધ્યમથી જ થશે.

આ ભરતીમાં ઉમેદવારોની પસંદગી માત્ર 10મા ધોરણ અને ITIના ગુણના સરેરાશના આધારે થશે, જેમાં કોઈ લેખિત પરીક્ષા કે ઇન્ટરવ્યૂની જરૂર નથી. પસંદગી પામેલા ઉમેદવારોને Apprentices Act, 1961 હેઠળ તાલીમ માટે બોલાવવામાં આવશે.

જે દરમિયાન તેમને નિયત સ્ટાઈપેન્ડ મળશે. જોકે, આ સમયગાળા દરમિયાન રહેવાની કે હૉસ્ટેલની સુવિધા ઉપલબ્ધ નહીં હોય, અને ઉમેદવારોએ પોતાની રહેવાની વ્યવસ્થા કરવાની રહેશે.

ob opportunity | Recruitment | Indian Railways | government jobs 

#government jobs #Indian Railways #Recruitment