અક્ષય કુમારની ફિલ્મ અપેક્ષાઓ પર ખરી ઉતરી, પહેલા દિવસે આટલા કરોડની કરી કમાણી
અક્ષય કુમાર-કૃતિ સેનનની મોસ્ટ અવેઈટેડ ફિલ્મ બચ્ચન પાંડે શુક્રવારે 18 માર્ચ, 2022 હોળીના અવસરે સિનેમાઘરોમાં રિલીઝ થઈ.
અક્ષય કુમાર-કૃતિ સેનનની મોસ્ટ અવેઈટેડ ફિલ્મ બચ્ચન પાંડે શુક્રવારે 18 માર્ચ, 2022 હોળીના અવસરે સિનેમાઘરોમાં રિલીઝ થઈ. જ્યાં ચાહકો અક્ષયના ગેંગસ્ટર અવતાર અને સ્વેગના વખાણ કરી રહ્યા છે, ત્યારે ફિલ્મને સોશિયલ મીડિયા પર પણ વિરોધનો સામનો કરવો પડી રહ્યો છે. બચ્ચન પાંડેના માર્ગમાં સૌથી મોટો અવરોધ વિવેક અગ્નિહોત્રીની ધ કાશ્મીર ફાઇલ્સ છે, જે બોક્સ ઓફિસ પર સતત રેકોર્ડ બનાવી રહી છે. આમ છતાં અક્ષય કુમારની ફિલ્મની શરૂઆત સારી રહી છે.
બચ્ચન પાંડેએ કાશ્મીર ફાઇલ્સ તરફથી સખત સ્પર્ધાનો સામનો કરવા છતાં સ્થાનિક બોક્સ ઓફિસ પર સારો દેખાવ કર્યો છે. પ્રારંભિક અંદાજ મુજબ, પ્રથમ દિવસે કુલ કલેક્શન રૂ. 12 કરોડથી રૂ. 15 કરોડની વચ્ચે રહેવાની શક્યતા છે. જે અપેક્ષા કરતા ઘણું સારું છે. આ ફિલ્મ દેશભરમાં 2900-3000 સ્ક્રીન પર રિલીઝ થઈ છે. હૈદરાબાદ અને બેંગ્લોરમાં તેની શરૂઆત સારી થઈ અને લગભગ તમામ શો હાઉસફુલ હતા.
ફિલ્મની શરૂઆત સારી રીતે થઈ હતી અને સવારના શોમાં ભીડ જોવા મળી હતી. હોળીની રજા હોવાના કારણે ઘણા થિયેટર મોલની અંદર હોવાથી 12 વાગ્યા સુધી બંધ રાખવામાં આવ્યા હતા. આથી, તેમાં 6 વાગ્યા પછી સરેરાશ 60 ટકાથી 80 ટકાની વચ્ચેની ઓક્યુપન્સી સાથે પ્રભાવશાળી વૃદ્ધિ જોવા મળી છે. અક્ષય કુમારની ફિલ્મ હોવાને કારણે લોકો તેના માટે ખૂબ જ ઉત્સાહિત છે.
બચ્ચન પાંડેને મિશ્ર પ્રતિસાદ મળી રહ્યો છે, વિવેચકો તેને અક્ષય કુમારની અન્ય મસાલા ફિલ્મો જેવી જ ગણાવી રહ્યા છે. ફિલ્મની વાત સારી છે, જે તેને 2 દિવસમાં સારા નંબર મેળવવામાં મદદ કરશે. જો કે ફિલ્મનું પહેલું અઠવાડિયું સારું રહેવાની શક્યતા છે, પરંતુ તેને કાશ્મીર ફાઇલ્સ તરફથી પણ સખત સ્પર્ધાનો સામનો કરવો પડશે.
- entertainment box officeBachchhan paandey box Office collectionBachchhan paandey total earnigBachchhan paandey box office reportBachchhan paandey Movie ReviewAkshay Kumar Bachchhan paandeyPankaj TripathiBachchhan paandey cinemaBachchhan Full storyBachchhan paandey Full filmBachchhan paandey OTTEntertainment Movies