શૈલેષ લોઢાએ 'તારક મહેતા...'ના નિર્દેશક આસિત મોદી સામે જીત્યો કેસ, ચુકાદાથી એક્ટર ખુશ, જાણો શું કહ્યું...

'તારક મહેતા કા ઉલ્ટા ચશ્મા' ટીવીનો સૌથી લોકપ્રિય શો છે. જો કે ઘણા સમયથી આ શો વિવાદોમાં ઘેરાયેલું છે. શો છોડી ચૂકેલા ઘણા કલાકારોએ મેકર્સ પર ઘણા આરોપો લગાવ્યા છે. આ ઉપરાંત શોમાં 14 વર્ષ સુધી તારક મહેતાની ભૂમિકા ભજવનાર શૈલેષ લોઢાએ પણ બાકી ચૂકવણી ન કરવા બદલ નિર્માતાઓ સામે કેસ દાખલ કર્યો હતો. મળેલા અહેવાલ અનુસાર શૈલેષ લોઢા આ કેસ જીતી ગયા છે. શૈલેષે એપ્રિલ 2022માં શો છોડી દીધું હતું અને આ વર્ષની શરૂઆતમાં તેણે તેના વર્ષનાં બાકી લેણાંની ચુકવણી માટે નેશનલ કંપની લો ટ્રિબ્યુનલ (NCLT)નો સંપર્ક કર્યો હતો.

નાદારી અને નાદારી સંહિતાની કલમ 9 હેઠળ મામલાની સુનાવણી વર્ચ્યુઅલ સુનાવણી દ્વારા કરવામાં આવી હતી અને પક્ષકારોના વકીલ દ્વારા સંમત થયેલી શરતો અનુસાર પક્ષકારો વચ્ચે સમાધાન થયું હતું. મળેલા અહેવાલ મુજબ શૈલેષે આ વિશે કહ્યું કે તે આ નિર્ણયથી ખુશ છે અને NCLTનો આભારી છે. તેણે કહ્યું, “આ લડાઈ ક્યારેય પૈસા માટે નહોતી. તે ન્યાય અને સ્વાભિમાનની શોધ વિશે હતું. મને લાગે છે કે મેં યુદ્ધ જીત્યું છે અને હું ખુશ છું કે સત્યની જીત થઈ છે. શૈલેષે ક્યારેય શો છોડવા વિશે વિગતવાર વાત નથી કરી. શૈલેષે કહ્યું, “તેઓ મારા લેણાં ચૂકવવા માટે કેટલાક કાગળો પર સહી કરાવવા માંગતા હતા. તેમના કેટલાંક ક્લોઝ હતા જેમ કે તમે મીડિયા સાથે વાત કરી શકતા નથી વગેર વગેરે. પણ મારા પૈસા મેળવવા માટે હું કોઈ કાગળો પર શા માટે સહી કરીશ?" આ ઉપરાંત શૈલેષે જણાવ્યું કે શૈલેષની આ લડાઈએ શોના ભાગ રહેલા એક અન્ય એક્ટરને પણ મદદ કરી અને તેને પણ તેના બાકીના લેણા ચુકવવામાં આવ્યા.