શું પ્રિયંકા ચોપરા 'જી લે ઝરા'નો ભાગ નહીં બને? માતા બનવાના કારણે લીધો નિર્ણય.!

અભિનેત્રી પ્રિયંકા ચોપરા અને તેના પોપ સ્ટાર પતિ નિક જોનાસ તાજેતરમાં સરોગસી દ્વારા માતા-પિતા બન્યા છે. 39 વર્ષીય પ્રિયંકા અને 29 વર્ષીય નિકે શનિવારે (22 જાન્યુઆરી) તેમના સોશિયલ મીડિયા એકાઉન્ટ પર સંયુક્ત નિવેદન જારી કરીને આ માહિતી આપી હતી.

આ દંપતી એપ્રિલમાં તેમના બાળકના જન્મની અપેક્ષા રાખતા હતા. જોકે પ્રિયંકા-નિકના બાળકનો જન્મ 12 અઠવાડિયા પહેલા થયો હતો. જેના કારણે બાળકને હજુ થોડા દિવસ હોસ્પિટલમાં રાખવામાં આવશે. આ જ કારણ છે કે પ્રિયંકા તેના બાળકો અને પરિવાર સાથે સમય પસાર કરવા માટે ફિલ્મોમાંથી બ્રેક લઈ શકે છે. રિપોર્ટ અનુસાર, પ્રિયંકા ફરહાન અખ્તર અને રિતેશ સિધવાનીની ફિલ્મ 'જી લે ઝરા'માંથી બહાર થઈ શકે છે. આ ફિલ્મમાં અભિનેત્રી પ્રિયંકા ચોપરાની સાથે આલિયા ભટ્ટ અને કેટરીના કૈફને પણ કાસ્ટ કરવામાં આવી હતી. પ્રિયંકાના સારા સમાચારની જાહેરાત બાદ 'જી લે ઝરા'ના નિર્માતાઓ પણ ચિંતિત હોવાનું કહેવાય છે. પ્રિયંકા તેના પહેલા બાળકના ઉછેર માટે પોતાનો સમય અને શક્તિ આપવા માંગે છે. રિપોર્ટમાં એવો પણ દાવો કરવામાં આવ્યો છે કે નિર્માતા ફરહાન અખ્તર અને રિતેશ સિધવાનીએ અન્ય વિકલ્પો શોધવાનું શરૂ કરી દીધું છે.