અંકલેશ્વર: નેશનલ હાઇવે પર ફરી એકવાર ભારે ટ્રાફિકજામ,રોડના સમારકામની કામગીરીના પગલે વાહનોની કતાર

ટ્રાફિકજામના કારણે અનેક વાહન ચાલકો અટવાયા હતા.આ તરફ અંકલેશ્વરની વાલીયા ચોકડી નજીક આમલાખાડી પરનો ઓવર બ્રિજ પણ સાંકડો હોવાથી વાહનોની ગતિ અવરોધાય  રહી છે.

author-image
By Connect Gujarat Desk in ભરૂચ સમાચાર
New Update

  • ભરૂચ-અંકલેશ્વર વચ્ચે ટ્રાફિકજામની સમસ્યા યથાવત

  • હાઇવે પર વાહનોની લાંબી લાઇન લાગી

  • 4 થી 5 કી.મી.સુધી વાહનોની કતાર

  • બિસ્માર રોડની કામગીરીના પગલે ટ્રાફિકકામ

  • અનેક વાહનચાલકો ટ્રાફિકજામમાં અટવાયા

ભરૂચ અંકલેશ્વર વચ્ચે નેશનલ હાઇવે નંબર 48 પર ફરી એકવાર ટ્રાફિકજામની પરિસ્થિતિનું નિર્માણ થતાં અનેક વાહન ચાલકો અટવાયા હતા. ભરૂચ અંકલેશ્વર વચ્ચે નેશનલ હાઇવે નંબર 48 પર વારંવાર ટ્રાફિકજામની પરિસ્થિતિનું નિર્માણ થાય છે ત્યારે આજે ફરી એકવાર વાહનોની લાંબી કતાર જોવા મળી હતી.નેશનલ હાઈવે ઓથોરીટી દ્વારા અંકલેશ્વર નજીક આવેલ અમરતપુરા ઓવરબ્રિજ પર સમારકામની કામગીરી ચાલી રહી છે. જેના પગલે એક લેન પર જ વાહન વ્યવહાર પસાર થઈ રહ્યો છે.
આ કારણે ભરૂચ અંકલેશ્વર વચ્ચે વાહનોની ચારથી પાંચ કિલોમીટર લાંબી લાઈન જોવા મળી રહી છે. ગત રાત્રિથી સમારકામની કામગીરી શરૂ કરવામાં આવતા આ પરિસ્થિતિનું નિર્માણ થયું છે. ટ્રાફિકજામના કારણે અનેક વાહન ચાલકો અટવાયા હતા.આ તરફ અંકલેશ્વરની વાલીયા ચોકડી નજીક આમલાખાડી પરનો ઓવર બ્રિજ પણ સાંકડો હોવાથી વાહનોની ગતિ અવરોધાય  રહી છે.
તો આ અગાઉ ચાર થી પાંચ દિવસ પૂર્વે આમલાખાડી પરના ઓવરબ્રિજનું પણ સમારકામ હાથ ધરવામાં આવ્યું હતું.આ સમયે પણ વાહનોની 13 થી 14 કિલોમીટર સુધી લાંબી કતાર લાગી હતી ત્યારે ટ્રાફિકજામની સમસ્યાનું કાયમી નિરાકરણ આવે તેવી વાહન ચાલકો માંગ કરી રહ્યા છે.
#નેશનલ હાઇવે #Heavy traffic jam #Traffic jam #ટ્રાફિકજામની સમસ્યા #Highway Traffic Jam #traffic jams #ટ્રાફિકજામ #Bahruch Traffic jam #Ankleshwar Traffic Jam
Related Articles
Read the Next Article

ભરૂચ જિલ્લામાં 67 ગ્રામપંચાયતની ચૂંટણીમાં આવતીકાલે મતદાન પ્રક્રિયા યોજાશે, વહીવટી તંત્ર બન્યું સજ્જ

ભરૂચ જિલ્લાની કુલ 67 ગ્રામપંચાયતોમાં મતદાન પ્રક્રિયા યોજાવાની છે.જિલ્લામાંથી 18 ગ્રામપંચાયતો સમરસ તરીકે જાહેર થવાથી ત્યાં ચૂંટણી યોજાવાની નથી

author-image
By Connect Gujarat Desk in ભરૂચ સમાચાર
New Update

  • આવતીકાલે ગ્રામપંચાયતોની ચૂંટણી

  • ભરૂચની 67 પંચાયતોમાં યોજાશે મતદાન

  • 18 પંચાયત સમરસ જાહેર થઈ

  • ચૂંટણીની સામગ્રી મતદાન મથકો પર કરાય રવાના

  • ચાંપતો પોલીસ બંદોબસ્ત ગોઠવાશે

પંચાયતી રાજના સૌથી મોટા લોક ઉત્સવ ગ્રામપંચાયતોની ચૂંટણીને લઇ ભરૂચ વહીવટી તંત્ર સજ્જ બન્યું છે. આજરોજ  મામલતદાર કચેરીઓ ખાતેથી ચૂંટણીની સામગ્રી અને કર્મચારીઓને મતદાન મથકો પર રવાના કરવામાં આવ્યા હતા
ભરૂચ જિલ્લામાં આવતીકાલે યોજાનાર ગ્રામપંચાયત ચૂંટણીને લઈ વહીવટી તંત્ર સજ્જ બન્યું છે.જિલ્લાના વિવિધ તાલુકાઓમાં આવેલ મામલતદાર કચેરીઓમાંથી ચૂંટણી સામગ્રી તથા સ્ટાફને મતદાન મથકો પર રવાના કરવામાં આવ્યા છે. આવતીકાલે તા.૨૨ જૂનના રોજ કુલ 67 ગ્રામપંચાયતોમાં મતદાન પ્રક્રિયા યોજાવાની છે.જિલ્લામાંથી 18 ગ્રામપંચાયતો સમરસ તરીકે જાહેર થવાથી ત્યાં ચૂંટણી યોજાવાની નથી. બાકીની 67 પંચાયતોમાં મતદાન માટે 174 મતદાન મથકો ગોઠવાયા છે.જ્યાં મતદારો સવારે ૭થી સાંજે ૬ વાગ્યા સુધીમાં  મતાધિકારનો ઉપયોગ કરી શકશે.
ભરૂચ જિલ્લામાં આવેલ 67 ગ્રામ પંચાયતોના 287 વોર્ડની ચૂંટણી પણ યોજાશે જેમાં 1.46 લાખ મતદારો પોતાના મત અધિકારનો ઉપયોગ કરશે જિલ્લાના કુલ 174 મતદાન મથકો પૈકી 20 મતદાન મથકોને અતિ સંવેદનશીલ તો 77 મતદાન મથકોને સંવેદનશીલ જાહેર કરવામાં આવ્યા છે આ તરફ 874 જેટલા સરકારી કર્મચારીઓ ચૂંટણીને કામગીરીમાં જોડાશે મતદાન દરમિયાન કોઈ અનિચ્છનીય બનાવ ન બને તે માટે 665 પોલીસ કર્મીઓ ખડે પગે તેનાત રહેશે ભરૂચ જિલ્લામાં શાંતિપૂર્ણ માહોલમાં ગ્રામ પંચાયતોની ચૂંટણી પૂર્ણ થાય તે માટે વહીવટી તંત્ર દ્વારા કવાયત હાથ ધરવામાં આવી છે.
#Gram Panchayat #Gram Panchayat Election #Gram Panchayat Election 2025 #ગ્રામ પંચાયતની ચૂંટણી