ભરૂચ: વિરામ બાદ મેઘરાજાની પુન: પધરામણી, રસ્તાઓ થયા પાણી પાણી

ભરૂચ શહેરમાં લાંબા સમયના વિરામ બાદ મેઘરાજાનું આગમન થતા વાતાવરણમાં ઠંડક પ્રસરી હતી. શહેરના વિવિધ વિસ્તારોમાં વરસાદ વરસ્યો હતો

ભરૂચ શહેરમાં છેલ્લા કેટલાક દિવસોથી ચાલી રહેલા ભારે ઉકળાટ બાદ આજે અચાનક કાળા ડિબાંગ વાદળો છવાઈ ગયા હતા. બપોરના સમયે ધીમીધારે પવન સાથે ઝરમર વરસાદ વરસતા વાતાવરણમાં ઠંડક પ્રસરી હતી. ભરૂચ શહેરના શક્તિનાથ, પાંચબત્તી લિંક રોડ, કોર્ટ રોડ સહિતના વિસ્તારોમાં વરસાદ વરસતા માર્ગો પર પાણી જ પાણી જોવા મળ્યું હતું.હવામાન વિભાગ દ્વારા આગામી 4 દિવસ ભરૂચ સહિત આસપાસના વિસ્તારોમાં છુટાછવાયા વરસાદની આગાહી કરવામાં આવી છે. શ્રાવણ માસમાં ભરપૂર વરસ્યા બાદ મેઘરાજાએ વિરામ લીધો હતો હવે ભાદરવા માસમાં પણ મેઘરાજા ભરપૂર વરસે એવી શક્યતા દેખાઈ રહી છે.