ભરૂચ: સ્ટેશન રોડ પર આવેલ દુકાનમા આધેડે મહિલાને માર મારતા પોલીસ ફરિયાદ, સમગ્ર ઘટનાના CCTV ફૂટેજ બહાર આવ્યા

ભરૂચના સ્ટેશન રોડ પર મીની ડાયમંડ જનરલ સ્ટોરમાં ઘૂસીને  સસરાએ  વિધવાને માર મારતા સમગ્ર ઘટના સીસીટીવી કેમેરામાં કેદ થઈ હતી.આ મામલે ભરૂચ શહેર એ ડિવિઝન પોલીસે ફરિયાદ નોંધી વધુ તપાસ હાથ ધરી છે.

 

ભરૂચના સ્ટેશન રોડ વિસ્તારમાં બે સંતાનની વિધવા એક દુકાનમાં નોકરી કરી પોતાના પરિવારનું ગુજરાન ચલાવે છે અને તેની જ વિધવા સાસુને નજીકમાં જ રહેતા વિધર્મી યાકુબ યુસુફ પટેલ સાથે પ્રેમાલાપ થતા બંને પતિ-પત્નીની જેમ રહેતા હોય અને તે દરમિયાન યાકુબ યુસુફ પટેલની દાનત વિધવા પુત્રવધુ પર બગડતા વારંવાર  યાકુબ પટેલ અડપલા કરતો હોવાના આક્ષેપ પોલીસ ફરિયાદમાં કરવામાં આવ્યા છે.આ બાબતે યાકુબ પટેલે તેની પુત્ર વધુને માર મારી ઇજા પહોંચાડી હતી.આ અંગેની ફરિયાદ ભરૂચ શહેર એ ડિવિઝન પોલીસ મથકે નોંધાતા પોલીસે સીસીટીવી ફુટેજના આધારે વધુ તપાસ હાથ ધરી છે.આ તરફ યાકુબ યુસુફ પટેલ તરફે તેની પત્ની દક્ષાએ પણ પોતાની વિધવા પુત્રવધુ તથા તેના જ પુત્ર સંકેત પટેલ સામે પણ મારામારી અંગેની પોલીસ ફરિયાદ નોંધાવી છે