ભરૂચ: પોલીસે 100થી વધુ શંકાસ્પદ લોકોનું સરઘસ કાઢ્યું, 29 બાંગ્લાદેશી ઝડપાયા

ભરૂચ જિલ્લામાં બાંગ્લાદેશી ઘૂસણખોરોની શોધખોળ માટે પોલીસ દ્વારા મેગા સર્ચ ઓપરેશન હાથ ધરવામાં આવ્યું હતું જેમાં 1000થી વધુ શંકાસ્પદ લોકોની પૂછપરછ કરાઈ હતી.

જમ્મુ કાશ્મીરમાં થયેલા આતંકી હુમલા બાદ સમગ્ર દેશમાં એલર્ટ છે ત્યારે ગુજરાતમાં પણ પોલીસ સતર્ક બની છે. ગુજરાત પોલીસ દ્વારા ગેરકાયદેસર રીતે રહેતા બાંગ્લાદેશીઓ પર તવાઈ બોલાવવામાં આવી રહી છે જે અંતર્ગત ભરૂચ પોલીસ દ્વારા પણ કાર્યવાહી કરવામાં આવી હતી ભરૂચ પોલીસની 50થી વધુ ટીમો દ્વારા બે દિવસમાં 1,000 જેટલા શંકાસ્પદ લોકોની પૂછપરછ કરવામાં આવી હતી જે પૈકી 29 બાંગ્લાદેશીઓ ઝડપાયા હતા જેઓને ડિપોર્ટ કરવાની કાર્યવાહી શરૂ કરવામાં આવી છે. પોલીસે ભરોસે બી ડિવિઝન પોલીસ મદદથી 100 થી વધુ શંકાસ્પદ લોકોનું સરઘસ કાઢયું હતું અને તેઓને ભરૂચ એસ.પી.ઓફિસ લઈ જવામાં આવ્યા હતા.

આ અંગે ભરૂચના વિભાગીય પોલીસવડા સી કે પટેલે જણાવ્યું હતું કે દેશની હાલની પરિસ્થિતિને ધ્યાનમાં રાખી ગેરકાયદેસર રીતે રહેતા વિદેશીઓની ઓળખ કરી તેઓને ડિપોર્ટ કરવાની કવાયત હાથ ધરવામાં આવી રહી છે.ભવિષ્યમાં પણ આ પ્રકારની કાર્યવાહી ચાલુ રહેશે.