By
New Update
ભરૂચની વાગરા પોલીસની કાર્યવાહી
બુટલેગરની કારનો કર્યો પીછો
કારને અકસ્માત નડતા પલટી ગઈ
અંદરથી મળ્યો રૂ.1.29 લાખનો દારૂ
બુટલેગરની પોલીસે કરી ધરપકડ
ભરૂચની સાયખા જીઆઇડીસી નજીક વિદેશી દારૂ ભરેલ કાર પલટી જતા અંદરથી રૂ.1.29 લાખનો વિદેશી દારૂનો જથ્થો મળી આવ્યો હતો.પોલીસને જોઈ ભાગવા જતા બુટલેગરની કારને અકસ્માત નડ્યો હતો
ભરૂચની વાગરા પોલીસની ટીમ સાયખા GIDCમાં રાત્રીના પેટ્રોલીંગમાં હતી તે દરમિયાન ગ્લોબેલા ચોકડી તરફથી કાર આવતા તેના ચાલકને ગાડી ઉભી રાખવા જણાવ્યું હતું તેમ છતા કાર ચાલકે કાર ઉભી નહિ રાખી પુરઝડપે ભેરસમ ગામ તરફ ભગાવી ગયો હતો જેથી પોલીસને શંકા જતાં ખાનગી ગાડીમાં ફિલ્મી સ્ટાઇલમાં પીછો કર્યો હતો.આ સમયે ભેરસમ ગામની નવી વસાહત પાસે આવેલા રોડના વળાંક પાસે કાર પલ્ટી મારી જતા રોડની બાજુના ખેતરમા ઉંધી પડી ગઈ હતી. કાર પલ્ટી જતા અંદર ભરેલ વિદેશી દારૂના જથ્થાની માર્ગ પર રેલમછેલ થઈ હતી.પોલીસે કારમાં સવાર આમોદના આછોદ ગામના બુટલેગર મહંમદ સુહેલ ઉર્ફે છોટુ હારુન પટેલની અટકાયત કરી હતી અને રૂ.1.29 લાખના વિદેશી દારૂના જથ્થા સહિત કુલ રૂ.12.4 લાખનો મુદ્દામાલ કબ્જે કરી કાયદેસરની કાર્યવાહી હાથ ધરી છે.
Latest Stories