ભરૂચ: વાલિયા ઝઘડિયા માર્ગ પર વિશાળકાય વૃક્ષ ધરાશાયી થતા વાહનવ્યવહાર થયો બંધ, પોલીસ જવાનોએ બાજુ પર ખસેડયુ

ભરૂચના વાલિયા પંથકમાં ગત સાંજે પવનના સુસવાટા સાથે ખાબકેલા ભારે વરસાદને પગલે વૃક્ષો ધરાશાયી થવાની ઘટનાઓ સામે આવી હતી.ત્યારે વાલિયા-ઝઘડિયા માર્ગ ઉપર વૃક્ષ વન વિભાગની કચેરી સામે અને નીલકંઠ સોસાયટી પાસે મુખ્ય માર્ગને અડીને આવેલા બે વૃક્ષો ધરાશાયી થવાની ઘટનાઓ સામે આવી હતી.જેને પગલે મુખ્ય માર્ગ ઉપર બંને તરફ વાહન વ્યવહાર બંધ થઈ ગયો હતો.આ અંગેની જાણ વાલિયા પોલીસ મથકે થતા પી.આઈ. એમ.બી.તોમરના માર્ગ દર્શન હેઠળ ડી-સ્ટાફના અજિતભાઈ,મનોજભાઈ અને નિશાંતભાઈ,કૌશિકભાઈ તેમજ સંદીપભાઈ સહિત અન્ય જવાનો તેમજ વન વિભાગના બીટ ગાર્ડ દિનેશ દિનેશ રાઠવા જેસીબી અને અન્ય વાહનની મદદ વડે બંને વૃક્ષો માર્ગ ઉપરથી હટાવી વાહન વ્યવહાર પૂર્વવત કરાવી સરાહનીય કામગીરી કરી હતી.વાલિયા પોલીસના જવાનો અને વન વિભાગની કામગીરીને રાહદારીઓએ બિરદાવી હતી.