વિજય દેવરાકોંડાને જોઈને છોકરીઓ થઈ ગઈ ખુશ, બાજુમાં ઊભી રહેલ અનન્યા પાંડેના હાલ થયા બેહાલ
વિજય દેવરાકોંડા અને અનન્યા પાંડે તેમની ફિલ્મ લિગરના પ્રમોશન માટે વડોદરાની પારૂલ યુનિવર્સિટી ખાતે પહોંચ્યા હતા
વિજય દેવરાકોંડા ટૂંક સમયમાં બોલિવૂડમાં ડેબ્યૂ કરવા જઈ રહ્યો છે. તે ટૂંક સમયમાં જ કરણ જોહરની પ્રોડક્શન એક્શન ફિલ્મ 'લિગર'થી દર્શકોના દિલ જીતવા માટે તૈયાર છે. આ ફિલ્મમાં અનન્યા પાંડે વિજય દેવેરાકોંડાની સાથે લીડ રોલમાં જોવા મળશે અને આ દિવસોમાં બંને શહેર-શહેરમાં પોતાની ફિલ્મોનું પ્રમોશન કરી રહ્યાં છે. તાજેતરમાં જ વિજય દેવરાકોંડા અને અનન્યા પાંડે તેમની ફિલ્મ લિગરના પ્રમોશન માટે વડોદરાની પારૂલ યુનિવર્સિટી ખાતે પહોંચ્યા હતા. જ્યાં વિજય દેવરાકોંડાને જોઈને છોકરીઓ આનંદથી ઉછળી પડી હતી.
હાલમાં જ વિજય દેવરાકોંડાનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. જ્યાં પારૂલ યુનિવર્સિટીમાં અનન્યા પાંડે અને વિજય દેવેરાકોંડા માત્ર ત્યાંના પરંપરાગત ભોજનની મજા લેતા જોવા મળ્યા ન હતા, પરંતુ બંનેનું ગુજરાતમાં ભવ્ય રીતે સ્વાગત કરવામાં આવ્યું હતું. બંનેનું ભવ્ય હાર પહેરાવી સ્વાગત કરવામાં આવ્યું હતું. બંનેના ગળામાં ગુલાબની પાંખડીઓ અને પીળા ફૂલોની માળા મૂકવામાં આવી હતી. આ દરમિયાન ઘણી છોકરીઓ પણ તેમના પરંપરાગત પોશાકમાં જોવા મળી હતી. વિજય દેવરાકોંડાને જોઈને છોકરીઓ ભૂલી ગઈ કે અનન્યા પાંડે પણ તેની બાજુમાં જ ઉભી છે.
