• ડેડીયાપાડાAAPના ધારાસભ્ય ચૈતર વસાવા વલસાડની મુલાકાતે

• AAPના આગેવાનોઅનેકાર્યકરો સાથે અગત્યની બેઠકનું આયોજન

• આવનાર વલસાડ, પારડી, ધરમપુર પાલિકાની ચૂંટણીને લઈને ચર્ચા

• 3 પાલિકાની ચૂંટણીAAPપાર્ટીએકલા હાથે લડશે : ચૈતર વસાવા

• મોટી સંખ્યામાંAAPના આગેવાનોઅનેકાર્યકરોનીઉપસ્થિતી રહી

વલસાડ જિલ્લામાં આગામી 3 નગરપાલિકાની ચૂંટણી તેમજ સ્નેહમિલન કાર્યક્રમમાં હાજરી આપવા માટે આદિવાસી નેતા અને નર્મદા જિલ્લાના ડેડીયાપાડાના આમ આદમી પાર્ટીના ધારાસભ્ય ચૈતર વસાવાએ બેઠક યોજી હતી.

નર્મદા જિલ્લાના ડેડીયાપાડાના આમ આદમી પાર્ટીના ધારાસભ્ય ચૈતર વસાવા આજરોજ વલસાડ જિલ્લાના મહેમાન બન્યા હતા, જ્યાં આગામી 3 નગરપાલિકાની ચૂંટણી અને કાર્યકર્તાઓ સાથેના સ્નેહમિલન કાર્યક્રમમાં તેઓ હાજરી આપવા તેઓ વલસાડ પહોચ્યા હતા. ચૈતર વસાવાએ રણનીતીને લઈનેAAPના આગેવાનો અને કાર્યકરો સાથે અગત્યની બેઠક યોજી હતી. ચૈતર વસાવાએ જણાવ્યું હતું કે, નગરપાલિકાની ચૂંટણીમાં વલસાડ, પારડી અને ધરમપુર બેઠક પર આમ આદમી પાર્ટી એકલા હાથે લડશે.

વલસાડ જીલ્લામાં 3 પાલિકાની ચૂંટણીમાં અત્યાર સુધી ગઠબંધનના કોઈપણ અણસાર દેખાઈ નથી રહ્યા. આ સાથે જ ઉમેદવારોની પસંદગીને લઈને પણ વર્કિંગ કમિટી સહિત તમામ ધારાધોરણ ચકાસ્યા બાદ જ ઉમેદવારોની પસંદગી કરવામાં આવશે તેવું ચૈતર વસાવાએ જણાવ્યુ હતું. તો બીજી તરફ, લોકસભા દંડક ધવલ પટેલના આક્ષેપો પર પ્રતિક્રિયા આપતા તેઓએ જણાવ્યું હતું કે, આમંત્રણ શેનો મંચ છે, એ ધવલ પટેલે જાણી લેવું જોઈએ. આદિવાસી સમાજના મંચ પર કોઈપણ પ્રકારની રાજનીતિ ન થવી જોઈએ. વધુમાં જણાવ્યું હતું કે, જે દિવસે આદિવાસી સમાજની તમામ માંગો પૂર્ણ થઈ જશે તે દિવસે અમે કોઈ કઈપણ બોલીશુ નહીં.

AAPના ધારાસભ્ય ચૈતર વસાવાએ જણાવ્યું હતું કે, ભ્રષ્ટાચારની વાત તો સૌથી વધારે ભ્રષ્ટાચાર ભાજપમાં જ થાય છે. રોડ-રસ્તાના ખસતા હાલ વિષે વાત કરતા તેઓએ કહ્યું હતું કે, ગતરોજ તેઓ આહવાથી આ વિસ્તારમાં આવી રહ્યા હતા. તે દરમિયાન રોડની ખૂબ જ ખરાબ હાલત તેઓએ જોઈ હતી. સમગ્ર ગુજરાતમાં તમામ વિસ્તારોમાં લોકોએ આવેદન પત્ર આપ્યા છે. પરંતુ તંત્ર અને અધિકારીઓના પાપે નિર્દોષ લોકોએ પોતાનો જીવ ગુમાવવાનો વારો પણ આવ્યો છે, ત્યારે આવનાર દિવસોમાં અમારા સંગઠન દ્વારા આ મામલે મુખ્યમંત્રીનું ધ્યાન દોરવામાં આવશે. ફ્રેઇટ કોરિડોરને લઈને પણ તેઓએ આકરા પ્રહાર કરતા જણાવ્યું હતું કે, સરકાર દ્વારા તમામ પ્રોજેક્ટ આદિવાસી વિસ્તારોમાં જ લાવવામાં આવે છે, પરંતુ જ્યારે આ વિસ્તારમાં વિકાસની વાત આવે ત્યારે સરકાર અનદેખી કરે છે. આ જ વિસ્તારના લોકોએ સિંચાઈ, આરોગ્ય અને શિક્ષણ મુદ્દે આંદોલનો કરવા પડતા હોય છે.