ગુજરાતમાં હિન્દુ યુવતીઓ પર થતાં અત્યાચારનો મામલો

ઝઘડીયા અને નસવાડીમાંથી અત્યાચારનો કિસ્સો સામે આવ્યો

ઝઘડીયાની બાવાગોર દરગાહના મુજાવરે આચર્યું હતું દુષ્કર્મ

નસવાડીમાં વિધર્મીની અઘટિત માંગ સામે યુવતીએ જીવન ટુકાવ્યું

બન્ને ઘટનાઓના વિરોધમાં સાંસદ મનસુખ વસાવાનું આવેદન

ઝઘડીયા પ્રાંત અધિકારીની કચેરી ખાતે રજૂઆત કરવામાં આવી

ભરૂચ જિલ્લાના ઝઘડીયાની બાવાગોર દરગાહના મુજાવરે હિન્દુ મહિલા સાથે આચરેલા દુષ્કર્મ તેમજ છોટા ઉદેપુરના નસવાડીમાં વિધર્મી યુવકે અઘટિત માંગણી કરતાં આદિવાસી યુવતીએ ઝેરી દવા પીને આપઘાત કરી લીધો હતો, ત્યારે આ બન્ને ઘટનાઓના વિરોધમાં ભરૂચના સાંસદ મનસુખ વસાવાની આગેવાનીમાં ઝઘડીયા પ્રાંત અધિકારીની કચેરીએ આવેદન પત્ર આપી રજૂઆત કરવામાં આવી હતી.

વડોદરાની એક હિન્દુ મહિલાને માનસિક બીમારી મટાડવા માટે અનેક વખત સારવાર અર્થે ભરૂચના ઝઘડીયાની બાવાગોર દરગાહના મુજાવર વારંવાર બોલાવીને રાત્રી રોકાણની ફરજ પાડતો હતો. આ રાત્રી રોકાણ દરમિયાન માનસિક બીમાર મહિલા સાથે આવેલ તેની નાની બેન પર મુજાવર લગ્નની લાલચ આપી વારંવાર દુષ્કર્મ ગુજારતો હતો, અને સતત શારીરિક શોષણ કરવાના કારણે આ યુવતીએ મુઝાવર વિરુદ્ધ રાજપરડી પોલીસ મથકમાં ફરિયાદ નોંધાવી હતી. જેથી પોલીસે તટસ્થ તપાસ કરી મુજાવરની ધરપકડ કરી હતી. આ ઉપરાંત છોટા ઉદેપુર જિલ્લાના નસવાડી ખાતે પણ થોડા દિવસ અગાઉ એક આદિવાસી યુવતી પર ત્યાંના સ્થાનિક વિધર્મી યુવાને પટાવી ફોસલાવીને તેનું જાતીય શોષણ કરવાના કારણે યુવતીએ ઝેરી દવા ગટગટાવી આત્મહત્યા કરી લીધી હતી, ત્યારે આ બન્ને ઘટનાઓને ભરૂચના સાંસદ મનસુખ વસાવાએ સખત શબ્દોમાં વખોડી કાઢી છે. જેમાં ઝઘડીયાના બાવાગોર ટ્રસ્ટને સરકારના હસ્તકમાં લઈ કાયમ પોલીસ બંદોબસ્ત રાખવા તેમજ નસવાડી જેવી ઘટનાઓમાં ષડયંત્રકારીઓની સામે સરકાર દ્વારા કડકમાં કડક કાનૂની કાર્યવાહી કરવામાં આવે તેવી માંગ સાથે ભરૂચના સાંસદ મનસુખ વસાવાની આગેવાનીમાં આદિવાસી સમાજના આગેવાનો અને ગ્રામજનોએ ઝઘડીયા પ્રાંત અધિકારીની કચેરીએ આવેદન પત્ર આપી રજૂઆત કરી હતી.