સાબરકાંઠા: પ્રાંતિજમાં ભારે વરસાદને પગલે ખેતરો બેટમાં ફેરવાયા,ખેડૂતો માટે અતિવૃષ્ટિ બની આફતરૂપ

ગ્રામ્ય વિસ્તારમાં ભારે વરસાદને લઈ ખેતરો બેટમાં ફેરવાયા હતા.જ્યારે પ્રાંતિજના સોનાસણ ગામે 100 વીઘા જમીનમાં વરસાદી પાણીએ જમાવટ કરતાં ઉભો પાક બળી ગયો

author-image
By Connect Gujarat Desk in ગુજરાત સમાચાર
New Update

પ્રાંતિજમાં ભારે વરસાદે ખેતરોમાં વેર્યો વિનાશ  

ખેતરમાં વરસાદી પાણી ભારત બેટમાં ફેરવાયા 

મગફળીનો ઉભો પાક નષ્ટ થતાં ખેડૂતો ચિંતાગ્રસ્ત 

ખેડૂતોના હાથમાં આવેલો કોળિયો છીનવાયો 

ખેતરમાંથી વરસાદી પાણીના નિકાલની કરાઈ માંગ   

સાબરકાંઠા જિલ્લામાં બે દિવસથી હવામાન વિભાગની આગાહી વચ્ચે ધોધમાર વરસાદ વરસતા ખેતરો બેટમાં ફેરવાયા છે,ત્યારે ખેડૂતોને ખેતીના પાકમાં મોટી નુક્સાનીનો ભય સતાવી રહ્યો છે.

સાબરકાંઠા જિલ્લામાં ધોધમાર વરસાદ તમામ તાલુકાઓમાં વરસ્યો હતો અને જેના કારણે ઠેર ઠેર વરસાદી પાણી ભરાયા હતા.તો સૌથી વધુ પાણી ખેડૂતોના ખેતરોમાં ભરાતા ખેડૂતની હાલત કફોડી બની હતી.તલોદ પ્રાંતિજ અને હિંમતનગર સહિત ગ્રામ્ય વિસ્તારમાં ભારે વરસાદને લઈ ખેતરો બેટમાં ફેરવાયા હતા.જ્યારે પ્રાંતિજના સોનાસણ ગામે 100 વીઘા જમીનમાં વરસાદી પાણીએ જમાવટ કરતાં ઉભો પાક બળી ગયો હતો..
અને આ વિસ્તારમાં સૌથી વધુ મગફળી અને કપાસનુ વાવેતર કરવામાં આવ્યુ છે અને એમાં પણ મગફળીના પાકને ભારે નુકસાન જોવા મળ્યુ છે.કારણ કે હવે મગફળી કાઢવાનો સમય હતો અને ખેતરો બેટમાં ફેરવાતા ખેડૂતોને મોટી નુક્સાની વેઠવાનો વારો આવ્યો હતો.જાણવા મળ્યા મુજબ એક વીઘા મગફળી પાછળ 25 થી 30 હજાર ખર્ચ થાય છે,પરંતુ હવે તો ખર્ચ પણ નીકળી શકે તેમ નથી ત્યારે તંત્ર દ્વારા પાણી નિકાલની કોઈ કામગીરી કરાય તેવી ખેડુતો માંગ કરી રહ્યા છે. 
#Sabarkantha Farmers #heavy rains forecast #Gujarat Heavy RainFall #Heavy Rain #મગફળીનો પાક #ભારે વરસાદ #અનરાધાર વરસાદ #મગફળી #અતિવૃષ્ટિ
Related Articles
Read the Next Article

અંકલેશ્વર: ગ્રામ્ય પોલીસે નવસારીના પ્રોહીબિશનના ગુનાના સંડોવાયેલ આરોપીની કરી ધરપકડ

અંકલેશ્વર ગ્રામ્ય પોલીસ મથકના પોલીસ ઇન્સ્પેકટર  એચ.જી.ગોહીલના માર્ગદર્શન હેઠળ અંકલેશ્વર રૂરલ પોલીસ સ્ટેશનના PSI પી.જે.સાળુકે તથા સવેલન્સ સ્કોડના કર્મચારીઓ પેટ્રોલિંગમાં હતા.

author-image
By Connect Gujarat Desk in ગુજરાત Featured
New Update
aavv

અંકલેશ્વર ગ્રામ્ય પોલીસ મથકના પોલીસ ઇન્સ્પેકટર  એચ.જી.ગોહીલના માર્ગદર્શન હેઠળ અંકલેશ્વર રૂરલ પોલીસ સ્ટેશનના PSI પી.જે.સાળુકે તથા સવેલન્સ સ્કોડના કર્મચારીઓ પેટ્રોલિંગમાં હતા.

તે દરમ્યાન આરોપી સીકદર સલીમ શાહ ઉ..વ.૩૫ રહે. કાપોદરા ગામ ઘંટી ફળીયુ તા.અંકલેશ્વરની ધરપકડ કરી હતી.આ આરોપી નવસારી પોલીસ મથકના રૂ.7.76 લાખના પ્રોહીબિશનના ગુનામાં છેલ્લા કેટલાક સમયથી ફરાર હોવાનું બહાર આવ્યું છે.આ ઉપરાંત ઝડપાયેલ આરોપી વલસાડ ટાઉન પોલીસના પ્રોહીબિશનના ગુનામાં પણ સંડોવાયેલ હોવાનું બહાર આવ્યું છે.