નવસારીના વેજલપોર ગામની હદમાં સ્ટેટ મોનીટરીંગ સેલની ટીમે ડ્રગ્સ સાથે નાઈજેરિયન મહિલાની કરી ધરપકડ

નવસારી નજીક વેજલપોર ગામની હદમાં સ્ટેટ મોનિટરિંગ સેલે એક મોટી સફળતા મેળવી છે.SMCની ટીમે મુંબઈ થી સુરત જતી એક નાઈજેરિયન મહિલાને શંકાસ્પદ કોકેન ડ્રગ્સ સાથે ઝડપી પાડી છે. મહિલા કારમાં મુસાફરી કરી રહી હતી,જ્યારે તેને હાઈવે પરથી પકડવામાં આવી હતી.

પ્રાથમિક તપાસમાં જાણવા મળ્યા મુજબ, મહિલા પાસેથી અંદાજે100થી150ગ્રામ જેટલું શંકાસ્પદ કોકેન મળી આવ્યું છે. આ માદક પદાર્થની ડિલિવરી મહિલા મુંબઈથી સુરત આપવા જઈ રહી હતી. પોલીસે જપ્ત કરેલા શંકાસ્પદ ડ્રગ્સને ફોરેન્સિક સાયન્સ લેબોરેટરીમાં તપાસ માટે મોકલી આપ્યું છે.

FSL રિપોર્ટમાં જો આ પદાર્થ કોકેન હોવાનું સાબિત થશે, તો સ્થાનિક ગ્રામ્ય પોલીસ મથકમાં મહિલા વિરુદ્ધ નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ એક્ટ હેઠળ ગુનો દાખલ કરવામાં આવશે. હાલ પોલીસFSL રિપોર્ટની રાહ જોઈ રહી છે, જેના આધારે આગળની કાર્યવાહી હાથ ધરવામાં આવશે.