• સુરેન્દ્રનગરન થનમાં પિતાપુત્રની હત્યા

• પરિણીતા સાથેના મૈત્રીકરારમાં પિતાપુત્રએ જીવ ગુમાવ્યા

• મહિલાના ભાઈ પતિ સહિતના હુમલાખોરોએ કરી હત્યા

• ડબલ મર્ડરની ઘટનાથી પોલીસ તંત્ર થયું દોડતું

• પોલીસે શરૂ કરી આરોપીઓની શોધખોળ

સુરેન્દ્રનગર જિલ્લાના થાનમાં પ્રેમસંબંધ મામલે પિતા-પુત્રની હત્યાનિપજાવી દેવાતા ચકચાર મચી છે. મૃતક યુવકે પરિણીતા સાથે કરેલા મૈત્રીકરાર બાદ નારાજ થયેલા યુવતીના પરિવારજનોએ હત્યાને અંજામ આપ્યો હોવાનું સામે આવ્યું છે.

સુરેન્દ્રનગર જિલ્લાના થાન તાલુકાના વરમાધાર ગામની સીમમાં રહેતા અને ખેતમજૂરી કરતા ઘુઘા દાનાભાઈ કોળી, તેમના પત્ની અને પુત્ર ભાવેશ પર ત્રણ શખ્સોએ હથિયારો વડે હુમલો કરતા ભાવેશ અને ત્યારબાદ સારવાર દરમિયાન તેના પિતા ઘુઘાભાઈનું મોત નિપજતાં પંથકમાં અરેરાટી વ્યાપી ગઈ હતી.જ્યારે ઇજાગ્રસ્તઘુઘાભાઈના પત્નીને સારવાર માટે ખસેડવામાં આવ્યા છે.

મૃતકયુવાન ભાવેશે થોડા સમય પહેલા સંગીતા નામની યુવતી સાથે મૈત્રીકરાર કર્યા હતા અને તેની સાથે રહેતો હતો.સંગીતાના લગ્ન દિનેશ નામના યુવક સાથે થયા હતા. સંગીતા અને ભાવેશ બંને મૈત્રીકરાર કરી સાથે રહેતા હોય દિનેશ સહિતના પરિવારજનો નારાજ હતા.જેનું મનદુઃખ રાખી દિનેશ સાપડા, જેસા નરસી અને સંગીતાનો ભાઈ દિનેશ સુખાભાઈએ સાથે મળી ભાવેશ, તેના પિતા અને માતા પર હથિયારો વડે જીવલેણ હુમલો કર્યો હતો.જે હુમલામાં પિતા પુત્રના ગંભીર ઇજાને પગલે કરૂણ મોત નિપજ્યા હતા.