મહારાષ્ટ્રના રાયગઢ દરિયા કિનારે એક શંકાસ્પદ બોટ મળી આવી

મહારાષ્ટ્રના રાયગઢ દરિયા કિનારે એક શંકાસ્પદ બોટ મળી આવ્યા બાદ સુરક્ષા વધારી દેવામાં આવી છે. સુરક્ષાના કારણોસર, રાયગઢ જિલ્લામાં બીચ પર સુરક્ષા કર્મચારીઓને તૈનાત કરવામાં આવ્યા છે, જ્યાં ત્રણ AK-47 રાઇફલ સાથે એક શંકાસ્પદ બોટ જપ્ત કરવામાં આવી છે. જણાવી દઈએ કે ગુરુવારે મહારાષ્ટ્રના રાયગઢ કિનારે 16 મીટર લાંબી એક શંકાસ્પદ બોટ મળી આવી હતી, જેમાં ત્રણ એકે-47 રાઈફલ અને કારતૂસ રાખવામાં આવ્યા હતા.

અધિકારીઓના જણાવ્યા અનુસાર આ યાટની માલિક ઓસ્ટ્રેલિયન મહિલા છે. જો કે, આ ઘટનાથી કોઈ સુરક્ષા ખતરો નથી અને હજુ સુધી આતંકવાદ સાથે કોઈ જોડાણ બહાર આવ્યું નથી, અધિકારીઓએ જણાવ્યું હતું. દહીંહાંડી અને ગણેશ ઉત્સવોને ધ્યાનમાં રાખીને બોટમાં હથિયારો મળી આવતા લોકોમાં ભયનો માહોલ સર્જાયો છે.