છત્તીસગઢ: દંતેવાડામાં મોટો નક્સલી હુમલો,11 જવાનો શહિદ થયા હોવાના સમાચાર
.શહીદ થયેલા જવાનોમાં 10 DRG સૈનિકો અને એક ડ્રાઈવરનો સમાવેશ થાય છે. હુમલા અંગે સીએમ ભૂપેશ બઘેલે કહ્યું કે નક્સલવાદીઓને બક્ષવામાં આવશે નહીં.
છત્તીસગઢના દંતેવાડા જિલ્લામાં પોલીસ અને નક્સલવાદીઓ વચ્ચે અથડામણ થઈ છે. આ સાથે નક્સલવાદીઓએ એક વાહનને બોમ્બથી ઉડાવી દીધું. કેટલાક જવાનોના શહીદ થયાના સમાચાર સામે આવી રહ્યા છે. હાલમાં, આ મામલે હજુ સુધી કોઈ સત્તાવાર માહિતી મળી નથી. ઉલ્લેખવામાં આવી રહ્યું છે કે સૈનિકોને ભારે નુકસાન થયું છે. કેટલાક નક્સલવાદીઓ પણ ઘાયલ થયા છે.
આ મામલો જિલ્લાના અરનપુર પોલીસ સ્ટેશન વિસ્તારનો છે.શહીદ થયેલા જવાનોમાં 10 DRG સૈનિકો અને એક ડ્રાઈવરનો સમાવેશ થાય છે. હુમલા અંગે સીએમ ભૂપેશ બઘેલે કહ્યું કે નક્સલવાદીઓને બક્ષવામાં આવશે નહીં. આ ઘટના ખૂબ જ દુઃખદ છે. નક્સલવાદીઓ સામેની અમારી લડાઈ અંતિમ તબક્કામાં છે. આયોજનબદ્ધ રીતે નક્સલવાદને જડમૂળથી ઉખેડી નાખવામાં આવશે. મળતી માહિતી મુજબ, નક્સલવાદીઓ અને જવાનો વચ્ચે હજુ પણ અથડામણ ચાલુ છે. કહેવામાં આવી રહ્યું છે કે વધુ ફોર્સ બોલાવવામાં આવી છે.