મોંઘવારીનો ડામ : પેટ્રોલ-ડીઝલના ભાવમાં સતત વધારો, સામાન્ય જનતા પરેશાન

દેશમાં સરકારી તેલ કંપનીઓ દ્વારા સતત ચોથા દિવસે પેટ્રોલ-ડીઝલના ભાવમાં વધારો કરવામાં આવ્યો છે. પેટ્રોલ-ડીઝલના ભાવમાં વધારો થયા બાદ દિલ્હીમાં 35 પૈસા વધી જતાં પેટ્રોલ પ્રતિલિટર રૂ. 107.24 અને ડીઝલ 95.97 રૂપિયા થયું છે.

જોકે, આ મહિને છેલ્લા 23 દિવસમાં પેટ્રોલ-ડીઝલના ભાવમાં 18મી વખત વધારો નોંધાયો છે. દેશની રાજધાની દિલ્હીમાં પેટ્રોલ 5.60 અને ડીઝલ 6 રૂપિયા મોંઘું થયું છે, જ્યારે 2021ની વાત કરીએ તો આ વર્ષે 1 જાન્યુઆરીએ પેટ્રોલ 83.97 અને ડીઝલ 74.12 રૂપિયા પ્રતિલિટર હતું. હવે આ 106.54 અને 95.27 રૂપિયા પ્રતિલિટર થયું છે. એટલે કે, 10 મહિનાથી ઓછા સમયમાં પેટ્રોલ 22.57 અને ડીઝલ 21.15 રૂપિયા સુધી મોંઘું થયું છે. આ સાથે જ બેન્ચમાર્ક બ્રેન્ટક્રૂડના ભાવમાં લગભગ 85 ડોલર પ્રતિ બેરલ છે, જે આગામી 3થી 6 મહીના, આ 100 ડોલર પ્રતિ બેરલ સુધી પહોંચી શકે છે. તેનું 100 ડોલર સુધી પહોંચવા પર પેટ્રોલ-ડીઝલમાં હાલની કિમતોથી 8-10 રૂપિયા પ્રતિલિટર વધુ મોંઘું થઇ જશે. જેથી ભારતની મુશ્કેલીઓમાં વધારો થયો છે, જે જરૂરના લગભગ 85 ટકા ક્રૂડઓઇલ આયાત કરે છે. હજુ આયાત વધારવી પડે તેવી શક્યતા વર્તાઇ રહી છે.