PM મોદી આજે મેરઠમાં મેજર ધ્યાનચંદ સ્પોર્ટ્સ યુનિવર્સિટીનું કરશે ઉદ્ઘાટન

PM મોદી આજે મેરઠમાં મેજર ધ્યાનચંદ સ્પોર્ટ્સ યુનિવર્સિટીનું ઉદ્ઘાટન કરશે. પીએમઓ દ્વારા જારી કરવામાં આવેલા નિવેદન અનુસાર, આ સ્પોર્ટ્સ યુનિવર્સિટી મેરઠના સરથાણા શહેરના સલવા અને કાલી ગામમાં 700 કરોડ રૂપિયાના ખર્ચે બનાવવામાં આવશે. PMOએ કહ્યું, PM મોદી દેશમાં રમતગમતની સંસ્કૃતિને પ્રોત્સાહન આપવા અને રમતના સંસાધનોને વિશ્વ-સ્તરીય બનાવવા માટે સતત કામ કરી રહ્યા છે. તેમના વિઝન હેઠળ મેરઠમાં સ્પોર્ટ્સ યુનિવર્સિટીની સ્થાપનાનું પગલું લેવામાં આવી રહ્યું છે.

- મેજર ધ્યાનચંદ સ્પોર્ટ્સ યુનિવર્સિટી 700 કરોડના ખર્ચે બની રહી છે

- નવી યુનિવર્સિટીને આધુનિક સુવિધાઓથી સજ્જ કરવામાં આવશે

- એક સાથે 1080 ખેલાડીઓને તાલીમ આપી શકાશે

- એથ્લેટિક્સ જેવી આઉટડોર ગેમ્સ માટે 25 થી 30 હજાર લોકો બેસી શકે તેવી વ્યવસ્થા કરવામાં આવશે.

- કુસ્તી, ખો-ખો અને કબડ્ડી જેવી રમતો માટે 5 હજારની ક્ષમતા ધરાવતો હોલ બનાવવામાં આવશે.

- યુનિવર્સિટીમાં સિન્થેટિક હોકી મેદાન, ફૂટબોલ મેદાન હશે

- બાસ્કેટબોલ, વોલીબોલ, હેન્ડબોલ, લૉન ટેનિસ કોર્ટ પણ હશે

- શૂટિંગ અને તીરંદાજી માટે શૂટિંગ રેન્જ પણ હશે

- સિન્થેટિક રનિંગ સ્ટેડિયમ, સ્વિમિંગ પૂલ જેવી સુવિધાઓ પણ હશે

જાણો PM મોદીનો મિનિટ ટૂ મિનિટનો કાર્યક્રમ...

- સવારે 11.35 પીએમ મોદી મેરઠમાં આર્મી હેલિપેડ પર ઉતરશે

- સવારે 11.50 વાગ્યે મેરઠના શહીદ સ્મારક પહોંચશે

- સવારે 11.50 કલાકે શહીદ સ્મારક, અમર જવાન જ્યોતિ અને સરકારી સ્વતંત્રતા સંગ્રામ મ્યુઝિયમની મુલાકાત

- બપોરે 12.15 કલાકે ઔગધનાથ મંદિરના દર્શન કરશે

- બપોરે 1 વાગ્યે સલવામાં મેજર ધ્યાનચંદ સ્પોર્ટ્સ યુનિવર્સિટીનો શિલાન્યાસ કરશે

- શિલાન્યાસ બાદ મોદી જનસભાને સંબોધશે

- દેશ અને રાજ્યના ખેલાડીઓને મળશે

- પીએમ મોદી બપોરે 2.30 વાગ્યે પરત ફર્યા