Connect Gujarat
દેશ

જ્યારે દેશના ભાગલા પડ્યા હતા ત્યારે છૂટા પડેલા 2 ભાઈઓ 74 વર્ષ પછી મળ્યા, ખૂબ રડ્યા

1947માં ભારત અને પાકિસ્તાનના ભાગલા વખતે મોહમ્મદ સિદ્દીકી એક બાળક હતા. તેનો પરિવાર વિખૂટા પડી ગયો.

જ્યારે દેશના ભાગલા પડ્યા હતા ત્યારે છૂટા પડેલા 2 ભાઈઓ 74 વર્ષ પછી મળ્યા, ખૂબ રડ્યા
X

1947માં ભારત અને પાકિસ્તાનના ભાગલા વખતે મોહમ્મદ સિદ્દીકી એક બાળક હતા. તેનો પરિવાર વિખૂટા પડી ગયો. સિદ્દીકીના ભાઈ હબીબ ઉર્ફે શેલા ભાગલા પછી ભારતમાં જ મોટા થયા હતા. હવે 74 વર્ષ પછી કરતારપુર કોરિડોર (જે પાકિસ્તાનમાં સ્થિત ગુરુદ્વારા દરબાર સાહિબને ભારત સાથે જોડે છે) એ બંનેને જોડી દીધા છે.

બંને ભાઈઓનો વીડિયો સોશિયલ મીડિયા પર વાયરલ થઈ રહ્યો છે. આ જોઈને લોકો ખૂબ જ ભાવુક થઈ રહ્યા છે અને વિવિધ પ્રકારની કોમેન્ટ કરી રહ્યા છે. મીડિયા રિપોર્ટ્સ અનુસાર, મોહમ્મદ સિદ્દીકી પાકિસ્તાનના ફૈસલાબાદમાં રહે છે. જ્યારે તેના ભાઈઓ પંજાબ, ભારતમાં રહે છે. કરતારપુરમાં એકબીજાને જોઈને બંને ભાવુક થઈ ગયા. બંને ભાઈઓ ગળે મળીને રડતા જોવા મળ્યા હતા. બંને ભાઈઓની મુલાકાતનો વીડિયો પણ સોશિયલ મીડિયા પર વાયરલ થઈ રહ્યો છે. જેમાં બંને ભાઈઓ કરતારપુર કોરિડોરમાં જોવા મળે છે. તેની સાથે કેટલાક લોકો પણ છે. વીડિયોમાં બંને ભાઈઓ એકબીજાને જોશપૂર્વક ભેટતા જોવા મળ્યા હતા. બંને ભાઈઓએ કરતારપુર કોરિડોર ખોલવા બદલ ભારત અને પાકિસ્તાન સરકારનો આભાર માન્યો છે. કોરિડોર દ્વારા ભારતના લોકો વિઝા વિના પાકિસ્તાનના કરતારપુર જઈ શકે છે. આ કોરિડોર નવેમ્બર 2019માં શરૂ થયો હતો.

Next Story
Share it