વડાપ્રધાન મોદીએ રશિયન રાષ્ટ્રપતિ પુતિનને ગુજરાતી વસ્તુની આપી ભેટ,તમને જાણીને લાગશે નવાઈ

વડાપ્રધાન નરેન્દ્ર મોદીએ સોમવારે 6 ડિસેમ્બરના રોજ કહ્યું હતું કે, ભારત અને રશિયા વચ્ચેના સંબંધો ખરેખર મિત્રતાનું અનોખું અને વિશ્વસનીય મોડેલ છે. 21મી વાર્ષિક ભારત-રશિયા સમિટ દરમિયાન, મોદીએ ભારત-રશિયા દ્વિપક્ષીય સંબંધોને 'વિશેષ અને વિશેષાધિકૃત' વ્યૂહાત્મક ભાગીદારી તરીકે બિરદાવ્યા હતા.

આ મુલાકાત બાદ વડાપ્રધાન મોદીએ રશિયન રાષ્ટ્રપતિ પુતિનને ગુજરાતી વસ્તુની ભેટ આપી હતી. ખંભાતના આદિવાસી સમુદાયે અકીક પથ્થરમાંથી બનાવેલા બાઉલ ભેટમાં આપ્યા હતા. આ બાઉલની સમગ્ર વિશ્વમાં ખુબ જ માંગ છે. અકીકના ઘરેણા અને અકીકમાંથી બનેલી વસ્તુઓની સમગ્ર વિશ્વમાં ભારે માંગ છે. આ બાઉલની ખાસિયત એ છે કે, તેમાં એક પણ સાંધો નથી. પત્થરને કોતરીને આ બાઉલ બનાવવામાં આવ્યા છે. બાઉલ બને તેવો મોટો પત્થર મળવો જ મુશ્કેલ છે. જો મળે તો તેમાંથી બાઉલ બનાવવું મુશ્કેલ છે. કારણ કે આ પત્થર ખુબ જ બટકણો હોય છે તેથી તેમાંથી બાઉલ બનાવવામાં ખુબ જ કાળજી રાખવી પડતી હોય છે. તેવામાં આ બાઉલની માંગ સમગ્ર વિશ્વમાં છે. આ બાઉલ વિશ્વનાં ટોચનાં લોકોના રસોડામાં પણ અલભ્ય છે. ત્યારે વડાપ્રધાને ખંભાતના અકીકનું પ્રખ્યાત બાઉલ રાષ્ટ્રપતિ પુતિનને ભેટ આપી હતી.