મુંબઈમાં નવા iPhone માટે એપલ સ્ટોરમાં ઝપાઝપી, મુક્કાબાજીનો વીડિયો થયો વાયરલ

ભારતમાં એપલના iPhone 17 સિરીઝ અને iPhone Airનું વેચાણ શરૂ થઈ ગયું છે. 19 સપ્ટેમ્બરની સવારે, દિલ્હી અને મુંબઈમાં એપલના સત્તાવાર સ્ટોર્સમાં ભારે ભીડ જોવા મળી હતી. લોકો રાતથી જ નવા iPhone મોડેલ ખરીદવા માટે લાઇનોમાં ઉભા રહ્યા હતા.

દિલ્હીના સાકેત મોલમાં એપલ સ્ટોર પર લાંબી કતારો જોવા મળી હતી. મુંબઈના એપલ BKC સ્ટોરમાં પણ આવું જ દ્રશ્ય જોવા મળ્યું હતું. એપલ સ્ટોર પર મોટી ભીડ નવા iPhones માટેના ક્રેઝનો ખ્યાલ આપે છે.

BKC Jio સેન્ટરમાં ભારે ભીડ

View this post on Instagram

A post shared by Connect Gujarat TV (@connectgujarat)

BKC Jio સેન્ટરમાં એપલ સ્ટોર પર લોકો વચ્ચે ઝપાઝપી થઈ. સુરક્ષા કર્મચારીઓએ દરમિયાનગીરી કરવી પડી, જેના કારણે થોડીવાર માટે ભારે ઝપાઝપી થઈ. જોકે, કોઈને ગંભીર ઈજા થઈ નથી, અને પરિસ્થિતિ ટૂંક સમયમાં સામાન્ય થઈ ગઈ. સમાચાર એજન્સી ANI સાથે વાત કરતા મનોજે કહ્યું કે તે દર વર્ષે અમદાવાદથી આવે છે અને આજે સવારે 5 વાગ્યાથી રાહ જોઈ રહ્યો છે.