વિશ્વના સૌથી મોટા સ્ટેડિયમનું રાષ્ટ્રપતિ દ્વારા કરશે ઉદઘાટન, અમિત શાહ આપશે હાજરી

આજ રોજ 24 ફેબ્રુઆરી 2021 બુધવાર ક્રિકેટ રમાવા જય રહ્યું છે અમદાવાદના સરદાર પટેલ સ્ટેડિયમમાં ભારત અને ઇંગ્લેન્ડ વચ્ચે પિંક બોલ ટેસ્ટ થશે. 24 થી 28 ફેબ્રુઆરી દરમિયાન આ મેચ રમવાની સાથે જ આંતરરાષ્ટ્રીય મેચ વિશ્વના આ સૌથી મોટા સ્ટેડિયમમાં શરૂ થશે.

ઓસ્ટ્રેલિયાનું મેલબોર્ન ક્રિકેટ ગ્રાઉન્ડ નહીં પરંતુ ભારતનું સરદાર પટેલ મોટેરા દર્શક ક્ષમતાની દ્રષ્ટિએ વિશ્વનું સૌથી મોટું સ્ટેડિયમ બનશે.અમદાવાદના સાબરમતીમાં સ્થિત આ સ્ટેડિયમ નવી સજાવટ અને આધુનિક સુવિધાઓથી સજ્જ છે. કેન્દ્રીય ગૃહ પ્રધાન અમિત શાહ 24 ફેબ્રુઆરીએ અહીં હાજર રહેશે જ્યારે રાષ્ટ્રપતિ રામનાથ કોવિંદ તેનું ઉદ્ઘાટન કરશે.

મોટેરા તરીકે ઓળખાતું આ સ્ટેડિયમ હવે સરદાર પટેલ સ્ટેડિયમ તરીકે જાણીતું બનશે.63એકરમાં બનેલા આ સ્ટેડિયમમાં એક સાથે કુલ 1 લાખ 10 હજાર લોકોની બેસવાની ક્ષમતા છે. હાલમાં ઓસ્ટ્રેલિયામાં મેલબોર્ન સૌથી મોટા સ્ટેડિયમ તરીકે ઓળખાય છે જ્યાં 90 હજાર લોકો સાથે બેસી શકે છે.

તમામ આધુનિક સુવિધાઓથી સજ્જ આ સ્ટેડિયમ બનાવવા માટે આશરે 800 કરોડ રૂપિયા ખર્ચ થયા છે. આ સ્ટેડિયમમાં લાલ અને કાળી માટીથી બનેલા 11 સેન્ટર પિચો છે.

આ અગાઉ તેમણે આખું સ્ટેડિયમ કેન્દ્રીય રમત પ્રધાન કિરણ રિજિજુને પણ ફેરવ્યું હતું. માત્ર ગુજરાત માટે જ નહીં પરંતુ દેશ માટે ગૌરવની વાત છે કે વિશ્વનું સૌથી મોટું ક્રિકેટ સ્ટેડિયમ ભારતમાં છે. આ સ્ટેડિયમમાં 110,000 દર્શકોની બેસવાની ક્ષમતા છે પરંતુ કોરોનાને કારણે ફક્ત 55,000 ટિકિટ વેચાણ પર મૂકવામાં આવી હતી. મોટાભાગની ટિકિટ પણ વેચી દેવામાં આવી છે.