બેન સ્ટોક્સએ રવિન્દ્ર જાડેજાને માર્યો ટોણો, જુઓ ભારતીય ઓલરાઉન્ડરે પછી શું જવાબ આપ્યો

રવિવારે ભારત અને ઇંગ્લેન્ડ વચ્ચે માન્ચેસ્ટર ટેસ્ટમાં એક શાનદાર નાટક થયું. ભારતીય બેટ્સમેન રવિન્દ્ર જાડેજા અને વોશિંગ્ટન સુંદરે ઇંગ્લેન્ડના કેપ્ટન બેન સ્ટોક્સ દ્વારા આપવામાં આવેલી ડ્રોની ઓફરને નકારી કાઢી. આનાથી ઇંગ્લેન્ડના કેપ્ટન બેન સ્ટોક્સ ગુસ્સે થયા અને તેમણે રવિન્દ્ર જાડેજા સાથે દલીલ પણ કરી.

તમને જણાવી દઈએ કે ટેસ્ટ ક્રિકેટમાં એક જોગવાઈ છે કે જો બંને કેપ્ટનોને લાગે કે મેચનું પરિણામ અશક્ય છે તો તેઓ ડ્રોની સંમતિથી હાથ મિલાવતા હોય છે. જાડેજા અને સુંદરે ટેસ્ટ ડ્રો કરાવવા માટે ખૂબ મહેનત કરી હતી.

તેઓ અનુક્રમે 89 અને 80 રન બનાવ્યા પછી રમી રહ્યા હતા. સ્ટોક્સની ઓફરને નકારીને બંનેએ બેટિંગ ચાલુ રાખી, જેનાથી સ્ટોક્સ ગુસ્સે થયા. જાડેજા અને સુંદરે મેચ બચાવી હતી, પરંતુ બંને પોતાની સદી પૂર્ણ કરવા માંગતા હતા. આ જ કારણ હતું કે ભારતીય જોડીએ ડ્રો માટે હાથ મિલાવવાનો ઇનકાર કર્યો.

Scored a hundred, saved the Test, farmed ♾ aura! 💁‍♂#RavindraJadeja didn't hesitate, till the end 👀#ENGvIND 👉 5th TEST | Starts THU, 31st July, 2:30 PM | Streaming on JioHotstar! pic.twitter.com/cc3INlS07P

— Star Sports (@StarSportsIndia) July 27, 2025

સ્ટોક્સ જાડેજા વચ્ચે તૂતૂમેમે 

સ્ટોક્સ જાણવા માંગતો હતો કે ભારતીય બેટ્સમેન કેમ રમવાનું ચાલુ રાખી રહ્યા છે. જેક ક્રોલી અને બેન ડકેટ તેની સાથે ઉભા હતા.

બેન સ્ટોક્સે જાડેજા પર કટાક્ષ કરતા કહ્યું, 'શું તમે હેરી બ્રુક સામે સદી ફટકારવા માંગો છો?' આના પર જાડેજાએ જવાબ આપ્યો - 'હું કંઈ કરી શકતો નથી.' જાડેજા હસ્યો અને પોતાની વાત પર અડગ રહ્યો. નિયમો અનુસાર, નિયમ બેટ્સમેનોના પક્ષમાં હતો કે તેઓ તેમના અધિકાર મુજબ બેટિંગ ચાલુ રાખી શકે.