IND vs AUS, 3rd ODI : ભારત - ઓસ્ટ્રેલિયા વચ્ચે આજે ત્રીજી વન ડે

ભારત અને ઓસ્ટ્રેલિયા (IND vs AUS) વચ્ચેની ત્રણ મેચની ODI શ્રેણીની છેલ્લી મેચ MA ચિદમ્બરમ સ્ટેડિયમ, ચેપોક, ચેન્નાઈ ખાતે રમાશે. આ સિરીઝમાં બંને ટીમો હાલમાં 1-1 થી બરાબરી પર છે. આવી સ્થિતિમાં આ છેલ્લી મેચ સિરીઝની નિર્ણાયક મેચ બનવા જઈ રહી છે. જો કે, જો આપણે આ મેદાન પર બંને ટીમોના ભૂતકાળના આંકડાઓ પર નજર કરીએ, તો કાંગારૂ ટીમ વધુ મજબૂત દેખાય છે.

ટીમ ઈન્ડિયા ચેપોકમાં અત્યાર સુધીમાં 13 વનડે રમી છે, જેમાં તેણે 7માં જીત અને 5માં હારનો સામનો કરવો પડ્યો છે. એક મેચ પણ અનિર્ણિત રહી છે. એટલે કે આ મેદાન પર ટીમ ઈન્ડિયાની જીતની ટકાવારી 58.33 રહી છે. બીજી તરફ ઓસ્ટ્રેલિયાની ટીમ અહીં 5 મેચ રમી છે. આ 5માંથી કાંગારુ ટીમે 4 મેચ જીતી છે. અહીં તેણે માત્ર એક જ મેચ ગુમાવી છે. એટલે કે આ મેદાન પર ઓસ્ટ્રેલિયાની જીતની ટકાવારી 80 રહી છે. ઓસ્ટ્રેલિયાએ અહીં ભારત, ઝિમ્બાબ્વે, વેસ્ટ ઈન્ડિઝ અને ન્યુઝીલેન્ડને હરાવ્યું છે.